អេស្ប៉ាញ៖កុងត្រារបស់អ្នកចាំទីរបស់អេស្ប៉ាញ Victor Valdes នឹងផុតកុងត្រាជាមួយនឹងក្លិប Bacelona នៅរដូវកាលនេះ ហើយក៏បានបង្ហាញគោលបំណងចាកចេញពីពហុកីឡដ្ឋាន Camp Nou ដោយកំពុងសំឡឹងមើលក្លិបថ្មី ដែលខ្លួនគួរតែជ្រក។
ពេលកន្លងទៅគេជឿជាក់ថា បន្ទាប់ពីមេធំរបស់ក្លិប Bacelona លោក Sandro Rosell លាលែងពីតំណែង ទៅលើបញ្ហាកេងបន្លំទឹកប្រាក់ ផ្ទេរកីឡាករ Neymar នោះ កីឡាករ Valdes នឹងបន្តស្នាក់នៅ ។ ទោះបីជាយ៉ាងនេះក្តី កីឡាករវ័យ ៣២ ឆ្នាំ ដែលជាអ្នកចាំទី បានច្រានចោលនូវព័ត៌មាននេះ ។
កីឡាករ Valdes មានបំណងប្រាថ្នាចង់ទៅលេងឲ្យក្លិបថ្មី ក្រុមថ្មី ហើយក្លិប ហង្សក្រហមជាគោលដៅរបស់គេផងដែរ។
ក្នុងក្រសែភ្នែករបស់ Valdes ហង្សក្រហមនៅពេលនេះ មានកីឡាករ ពីរ ដែលខ្លួនអត់ទ្រាំមិនសរសើរនោះ គឺ Luis Suarez និង Steven Gerrard ដោយកីឡាករ Steven Gerrard ជាប្រធានក្រុម របស់ហង្សក្រហម ដែលលេងជាច្រើនឆ្នាំហើយ។
ទន្ទឹមជាមួយនឹងគ្នានេះដែរ Luis Suarez ជាកីឡាករលេខ ១របស់ហង្សក្រហម ដែលតែងតែស្វែងរកគ្រាប់បាល់ និងជួយឲ្យក្រុមមានមុខមានមាត់គ្រាន់បើ។
មុននឹង Valdes ក្លាយជាបេក្ខភាពរបស់ហង្សក្រហម ក្លិបមួយនេះមានកីឡាករ Pepe Reina ដែលខាង Napoli ខ្ចីយកទៅចាំទី ហើយកីឡាករនេះ គ្មានបំណងនឹងវិលត្រឡប់មកកាន់ទឹកដី Anfield ឡើយ៕
មតិយោបល់