ក្លិបបាល់ទាត់ Napoli បានចុះហត្ថលេខា ជាមួយនឹងកីឡាករអ្នកចាំទី សញ្ជាតិអេស្ប៉ាញ Toni Doblas រហូតដល់ចប់រដូវកាលនេះ ស្របពេលដែលវិបត្តិអ្នកចាំទី ១ បានកើតឡើង។
ប្រធានក្លិប Napoli ក៏មានការព្រួយបារម្ភយ៉ាងខ្លាំងផងដែរ ទៅលើកីឡាករអ្នចាំទី ដែលបានខ្ចីពី ក្លិប ហង្សក្រហម លោក Jose Reina ដែលអាចនឹងទៅ កាន់ហង្សក្រហមវិញ បើទោះបីជាគាត់ប្រកាសថា នឹងមិនទៅអង់គ្លេសវិញ ។ ទន្ទឹមជាមួយនឹងគ្នានេះដែរ ក្លិបមួយនេះ កំពុងមានវិបត្តិអ្នកចាំទី សញ្ជាតិប្រេស៊ីល កីឡាករ Rafael Cabral ដែលមានបញ្ហារបួស ក្នុងអំឡុងពេលជួបក្លិប Swansea កាលពីសប្តាហ៍កន្លងទៅ។
ខាងក្លិបបានចេញសេចក្តីថ្លែងការណ៍ នៅលើគេហទំព័រខ្លួន ឲ្យដឹងថា “អ្នកចាំទី វ័យ ២៣ ឆ្នាំ សញ្ជាតិអេស្ប៉ាញ បានឆ្លងកាត់ពិនិត្យសុខភាពរួចរាល់ ដោយទទួលការហ្វឹកហាត់កាលពីល្ងាចថ្ងៃព្រហស្បត្តិ៍កន្លងទៅ” ។
សូមបញ្ជាក់ផងដែរថា អតីតអ្នកចាំទី ក្លិប Real Betis និង Real Zaragoza ទើបតែបានកុងត្រាជាមួយនឹងក្លិប Khazar Lankaran រយៈពេល ១ ឆ្នាំ ដែលធ្វើឡើងនៅដើមឆ្នាំនេះ៕
មតិយោបល់