កីឡាករ Thiago Alcantara បានជឿជាក់លើខ្លួនឯងថា លេងឲ្យក្លិប Bayern Munich ខណៈដែលផ្ទេរពី ក្លិបអ្នកមានបុណ្យ Bacelona បានធ្វើឲ្យគាត់មានភាពប្រសើរជាងមុន។
កីឡាករខ្សែបម្រើវ័យ ២២ ឆ្នាំ បានចូលរួមលេង ឲ្យម្ចាស់ជើងឯកអាល្លឺម៉ង់ និង អឺរ៉ុប នៅរដូវកាលក្តៅនេះ ដោយងាកជួប អតីតគ្រូបង្វឹកខ្លួន Pep Guardiola វិញ ។ បើទោះបី កំពុងជួបការលំបាក ជាមួយនឹងរបួស នៅរដូវកាលនេះ កីឡាករ Thiago Alcantara បានបង្ហាញខ្លួននៅក្នុងក្របខណ្ឌអាល្លឹម៉ង់ Bundesliga ១២ ដង និង ក្របខណ្ឌ UEFA Champions League ចំនួន ៣ ដង។
ថ្លែងទៅកាន់ Kicker-Sportmagazin កីឡាករវ័យ ២១ ឆ្នាំរូបនេះ បានប្រាប់ឲ្យដឹងថា “ចូលរួមលេងឲ្យក្លិប Bayern Munich បានធ្វើឲ្យលោកមានសេចក្តីសម្រេចជាច្រើន” ។លោកបានបន្តថា ខ្ញុំក៏មានភាពអស្ចារ្យជាច្រើនដែរ ខណៈដែលលេងនៅក្លិបចាស់ ប៉ុន្តែការផ្ទេរមកកាន់អាល្លឺម៉ង់ បានជួយឲ្យខ្ញុំកាន់តែរីកចម្រើន ជាកីឡាករប្រសើរជាងមុន ហើយក្លាយជាកីឡាករចាស់ទុំម្នាក់។
លោកបានសង្កត់ធ្ងន់ថា ដោយសារតែនៅក្លិបចាស់ មានកីឡាករជើងខ្លាំងពីររូប ដែលលេងក្នុងតំណែងដូចលោក មាន Andres Iniesta និង Xavi ដែលធ្វើឲ្យខ្លួនជួបការលំបាក់ ដើម្បីបង្ហាញសមត្ថភាព ។ ដូច្នេះ ខណៈដែលខ្លួនលេងនៅ Bayern Munich ពិត ជាធ្វើឲ្យខ្លួន រីករាយរកអ្វីផ្ទឹម ឡើយ៕
មតិយោបល់