កាលពីរាត្រីថ្ងៃទី ១៧ ខែ មិនា កន្លងទៅនេះ ​រំពេច​ជាមួយនឹងគ្នានោះ ស្រាប់តែ​រថយន្ត​​ក្រុង​តន្ត្រី​ទេសចរណ៍ ​របស់នាង Miley Cyrus ​ស្រាប់តែឆេះសន្ធោសន្ធៅ ​​ ដោយហេតុការណ៍នេះដែរ បានកើតឡើងនៅ New Orleans ។​

ខណៈដែល​ហេតុការណ៍ខាងលើកើតឡើង ម្តាយរបស់នាង និង ប្អូនស្រី ឈ្មោះ Noah Cyrus ក៏ស្ថិតនៅក្នុងរថយន្តផងដែរ ដោយស្ថិតនៅក្នុងបន្ទប់ខារ៉ាអូខេក្នុងរថយន្ត ​។ តែទោះជាយ៉ាងណា ​ម្តាយ និង ប្អូនស្រីនាង Miley Cyrus ក៏បាន​ចាកចេញទាន់ពេល ពីរថយន្តដែលកំពុងមានភ្លើង​ឆេះផងដែរ​។​

នាង Noah Cyrus បានថតវិដេអូឃ្លិប ភ្លើងឆេះរថយន្តក្រុង សម្រាប់តន្រ្តីទេសចរណ៍ ​ចែករំលែកនៅលើ ធ្វីតទ័រ ថា រថយន្តក្រុង​តន្ត្រីទេសចរណ៍របស់ Miley Cyrus ត្រូវបាន ឆេះ ។ ជាងនេះក្មេងស្រីវ័យ ១៣ ឆ្នាំ​ដែលត្រូវជាតារាចម្រៀង អាក្រាតរូបនេះ បាន​​ប្រកាសប្រាប់ដល់អ្នកគាំទ្រ បងស្រីខ្លួនថា ” Miley Cyrus គ្មានបញ្ហានោះទេ ហើយអរគុណដល់ព្រះជាម្ចាស់ហើយ ដែល​មិនធ្វើ​ឲ្យយើងរងរបួស” ។​

សូមបញ្ជាក់ផងដែរថា រថយន្តតន្ត្រីទេសចរណ៍របស់ Miley Cyrus បានធ្វើដំណើរពី Houston , Texas ទៅកាន់ New Orleans កាលពីថ្ងៃចន្ទកន្លងទៅ ។ ដោយនៅក្នុង New Orleans នាង​ត្រូវធ្វើតន្ត្រីទេសចរណ៍ នៅថ្ងៃទី ១៨ ខែ មិនា ក៏កើតហេតុភេទនេះឡើង​។ ក៏ប៉ុន្តែ​បញ្ហា​ឆេះ រថយន្ត​របស់នាង នៅមិនទាន់មាន​ដឹងពីមូលហេតុ​ឲ្យច្បាស់លាស់នៅឡើយនោះទេ​៕​
ទស្សនាវីដេអូឃ្លិបដូចខាងក្រោមនេះ៖