ស្នងការដ្ឋាននគរបាលខេត្តមណ្ឌលគីរីបានរៀបចំពិធីប្រជុំផ្សព្វផ្សាយសន្និបាតបូកសរុបសភាពការណ៍ សហប្រតិបត្តិការឆ្នាំ២០១៣និងលើកទិសដៅការងារអនុវត្តន៍បន្ត២០១៤ របស់អគ្គស្នងការនគរបាលជាតិ នាព្រឹកថ្ងៃទី២០មិនាឆ្នាំ២០១៤ដោយមានការចូលរួមជាអធិបតីឯកឧត្តមស្វាយសំអ៊ាងអភិបាលរងខេត្តនិង លោក ឃុត សុភាង ព្រះរាជអាជ្ញាអមសាលាតំបូងខេត្តមណ្ឌលគិរីផងដែរ។
លោកឧត្តមសេនីយត្រី ញ៉ែម វ៉ាន់នីស្នងការនគរបាលខេត្តបន្ទាប់ពីបានស្តាប់របាយការណ៍បូកសរុប ការងារឆ្នាំ២០១៣រួចមកលោកក៏បានកោតសរសើដល់មន្ត្រីនគរបាលវរការពារព្រំដែនទាំងពីនិងមន្ត្រីនគរបាលគ្រប់ជំនាញដែលខិតខំយកចិត្តទុកដាក់ ការពារសន្តិសុខសណ្តាប់ធ្នាប់បានល្អជូនប្រជាពលរដ្ឋក៏ដួចជាតាមខ្សែបន្ទាត់ព្រំដែនផងដែរ។
បន្ទាប់មកលោកស្នងការបានជូនប័ណ្ណសរសើនិងបំពាក់ឋានន្តរសក្កិជូនដល់មន្ត្រីនគរបាលដែលមានស្នាដៃចំនួន១២រូបផងដែរក្នុងនោះមានឋានះអនុ សេនីយ៍ទោ១រូប .អនុសេនីយ៍ត្រី៤រូបនិងព្រិន្ទបាលឯកចំនួន៧រូបផងដែរ។
ក្នុងឳកាសនោះឯកឧត្តមស្វាយសំអ៊ាងបានគ្រើនរំលឹកនិងជំរុញដល់មន្ត្រី នគរបាលដែលទទួលភារកិច្ចថ្មីនិងមន្ត្រីប៉ុស្តិ៍រដ្ឋបាលទាំងអស់ត្រូវខិតខំប្រមូល និងស្រង់ស្ថិតិប្រជាពលរដ្ឋដែលគ្រប់អាយុដើម្បីធ្វើអត្តសញ្ញាបណ័ជូនពួកគាត់ ដើម្បីឲ្យពួកគាត់ទៅចុះឈ្មោះនិងមានសិទ្ធចូលរួមបោះឆ្នោតក្រុមប្រឹក្សារាជធានី.ខេត្តនិងក្រុង.ស្រុកខាងមុខនេះ៕
មតិយោបល់