អង់គ្លេស​៖ការ​បង្ហាញខ្លួន​ដឹកនាំក្រុមទី ១០០១ ប្រកួត កាលពីរាត្រីទៀបភ្លឺយប់មិញរបស់ Arsène Wenger បាន​ត្រឹមតែស្មើ ២-២ ជាមួយនឹងក្លិបកៀកនិងបាតតារាង Swansea តែប៉ុណ្ណោះ​ នៅពហុកីឡដ្ឋានខ្លួន នោះ ។​
កីឡាករ Wilfried Bony បាន​​ស្វែងរកគ្រាប់បាល់​ជូនក្លិប Swansea នៅនាទី ១១ ដោយការតែតបំប៉ោងសំណាញ់ខណៈ មិត្តរួមក្រុម Neil Taylor បានស៊ុត​បំប៉ោងចូល​តំបន់គ្រោះថ្នាក់ ។​

ក៏ប៉ុន្តែសម្រាប់ម្ចាស់ផ្ទះកាំភ្លើងធំ ក៏បានសងវិញផងដែរ ដោយការពែន​យ៉ាងស្អាត ​ដើម្បីបំបែកពងមាន់របស់ Podolski នៅនាទី ៧៣ និង Giroud នៅនាទី ៦៤ ដោយ​ធ្វើ​ឲ្យកាំភ្លើងធំ នាំមុខវិញម្តងដោយលទ្ធផល ២-១ ។ ជាមួយនឹងលទ្ធផលបណ្តោះអាសន្ននេះ បានធ្វើឲ្យ​ Arsène Wenger រំពឹង​បាន ៣ពិន្ទុបន្ថែមទៀត ក៏ប៉ុន្តែ​ផ្ទុយស្រឡះ ជាអកុសល្យ កីឡាករ Flamini អចេតនា ធ្វើឲ្យបាល់ចូល​ទីរបស់ខ្លួន ឬ អនហ្គោល​នៅនាទី ៩០ ខណៈដែលប្រទាញ់ប្រឡង់​ជាមួយនឹង​ខ្សែប្រយុទ្ធ Swansea នោះ ។​
សូមបញ្ជាក់ថា លទ្ធផលស្មើ ២-២ បាន​ធ្វើឲ្យកាំភ្លើងធំ រំកិលខ្លួន ធ្លាក់មកកាន់លេខរៀងទី ៤ នៃតារាង ដោយមាន ៦៣ ពិន្ទុ ក្នុងចំណោម ៣១ ប្រកួត ៕​
ទស្សនាវិដេអូឃ្លិបដូចខាង​ក្រោមនេះ៖