កាលពីវេលាម៉ោង ១១ និង ៣០នាទី នៅសង្កាត់បឹង សាឡាង ត្រង់ចំណុច លូទឹកស្អុយ មានបញ្ហាស្ទះចរាចរណ៍ ក៏ដោយសារតែ ឆ្កែលង់ទឹកលូស្អុយ នៅខាងលិចផ្សារ ដើមគ ។
បើយោងតាមទំព័រ I Love Cambodia Hot News ដែលបានបង្ហោះឃ្លិបវីដេអូ លើហ្វេសប៊ុករបស់ខ្លួន ប៉ុន្មាននាទីមុននេះ យើងឃើញថា ខណៈដែលលោកពូម្នាក់ ចុះលូទឹកស្អុយ ដើម្បីជួយដល់ឆ្កែ លង់ទឹកលូ បានធ្វើឲ្យមនុស្សជាច្រើនដែលធ្វើដំណើរតាមវិថី កៀកនឹងលូទឹកស្អុយ ឈប់ឈរ មើលយ៉ាងព្រោងព្រាត ដែលបង្កឲ្យស្ទះចរាចរណ៍ ជាង ១៥ នាទី ។ ក្រោយពីលោកពូម្នាក់ ដែលបានចុះ លូទឹកស្អុយ ដែលច្របូកច្របល់ទៅដោយ ក្លិនមិនល្អដោយ ជួយឆ្កែបានសម្រេចពីការលង់ទឹក មនុស្សម្នា ដែលឈប់ឈរមើល បង្កស្ទះចរាចរណ៍ ក៏រំសាយ ភ្លាមៗផងដែរ ។
នេះយើងអាចនិយាយថាជាហេតុការណ៍លើកដំបូង ហើយ នៅក្នុងរាជធានីភ្នំពេញ ដែលមានបុរសម្នាក់ចុះលូទឹកស្អុយ ជួយសង្គ្រោះឆ្កែលង់ទឹក បែបនេះ ដែលពីមុនមក កម្រនឹងមានណាស់ ។ តែទោះជាយ៉ាងណា ទង្វើជួយឆ្កែ លង់លូទឹកស្អុយរបស់លោកពូម្នាក់នេះ បាន ទទួលការសរសើរពីសំណាក់អ្នកលេងហ្វេសប៊ុក និង ក្រុមអ្នកគាំទ្ររបស់ ទំព័រ ហ្វេសប៊ុកខាងលើផងដែរ៕
ទស្សនាវិដេអូឃ្លិបដូចខាងក្រោមនេះ៖
មតិយោបល់