អាល្លឹម៉ង់ ៖ ម្ចាស់ជើងឯកអឺរ៉ុប Bayern Munich បានតាមពីក្រោយ ដោយប្រើយុទ្ធសាស្ត្រខ្វះចន្លោះបិសាចក្រហម ដោយ លុតក្លិបអង់គ្លេសមួយនេះដោយលទ្ធផល ៣ – ១ កាលពីរាត្រីរំលងអធ្រាតយប់មិញនេះ ខណៈដែលប្រកួតជើងទី ១ បានត្រឹមតែ ស្មើ ១- ១ ក្នុងក្របខណ្ឌ Champions League ។ សរុបលទ្ធផលទាំងពីរជើង Bayern Munich ឈ្នះបិសាចក្រហម ៤ – ២ ។
បន្ទាំប់ពីមិនអាចស្វែងរកគ្រាប់នៅតង់ទី ១ ដោយបិសាចក្រហមបាននាំមុខដោយលទ្ធផល ១ – ០ ដោយលីឡាករ សញ្ជាតបារាំង Evra ។នៅតង់ទី ២ Bayern Munich ធ្វើបានយ៉ាងល្អដោយសាកសមជាម្ចាស់ទឹកដី ដោយបំបែកពងមាន់ភ្ញៀវ នៅនាទី ៥៩ ដោយកីឡាករ Mandzukic កីឡាករ Muller នៅនាទី ៦៧ និង Robben នៅនាទី ៧៦ ។
លទ្ធផលនេះ ជាក់ណាស់ បិសាចក្រហមមិនអាចនឹងបន្តដំណើរទៅកាន់វគ្គបន្តបាននោះទេ ដោយរអិលខ្លួន វេចស្ពាយបង្វេចដើរចេញពី ក្របខណ្ឌ Champions League ។ ដូចការរំពឹងទុករបស់អ្នកវិភាគកាលពីដើមរដូវកាល ក្នុងអំឡុងពេល David Moyes មកកាន់កាប់នោះ គេបានវិភាគថា បិសាចក្រហម នឹងមិនទទួលបានពាន់អ្វីសោះឡើយនៅរដូវកាលនេះ ដោយពេលនេះវាបានក្លាយជាការពិត ខណៈដែល ក្របខណ្ឌ EPL ស្ថិតនៅលេខរៀងទី ៧ ក្នុងតារាងនោះ ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់