ទម្លាប់នៃការញ៉ាំកាហ្វេ បន្ទាប់ពីការញ៉ាំអាហារនៅពេលយប់ អាចធ្វើឲ្យប៉ះពាល់អវិជ្ជមានដល់សុខភាពបន្តពូជរបស់មនុស្សស្រី។ កត្តាមួយនេះស្ត្រីភាគច្រើនមិនទាន់ដឹងនៅឡើយ ជាពិសេសចំពោះស្ត្រីវ័យក្មេងតែម្តង។
តាមការសិក្សាជាច្រើនបានបង្ហាញថា កង្វះនៃការគេង និងសកម្មភាពមិនទៀតទាត់ អាចបណ្តោលឲ្យគ្មានកូន។ ការគេងមិនបានគ្រប់គ្រាន់អាចធ្វើឲ្យប៉ះពាល់ដល់ការ បាត់បង់ទម្ងន់ ឬលើទម្ងន់របស់មនុស្សស្រីថែមទៀត។ នៅពេលដែលសន្ទស្សន៍ម៉ាស់ របស់រាងកាយ លើសពីដែនកំណត់ អាចប៉ះពាល់ដល់គុណភាពស៊ុតនៅក្នុងខ្លួនរបស់មនុស្សស្រី និងកាត់បន្ថយប្រសិទ្ធិភាព នៃការទទួលបានជោគជ័យក្នុងការបង្កកំណើត។
ប្រសិនបើអ្នកប្រើប្រាស់ភេសជ្ជៈ ដែលមានជាតិកាហ្វេអ៊ីនច្រើនពេក គឺអាចបង្កឲ្យកើតមានហានិភ័យនៃការគ្មានកូន។ ប៉ុន្តែប្រសិនបើការផឹកកាហ្វេ ឬតែមួយពែង ក្នុងមួយថ្ងៃមិនប៉ះពាល់ ដល់ការមានកូននោះទេ។ ការប្រើប្រាស់កហ្វេច្រើនជាង ៣០០ មីលីក្រាមនៃជាតិកាហ្វេអ៊ីន ក្នុងមួយថ្ងៃអាចប៉ះពាល់ដល់ការមានកូន ហើយបង្កើនហានិភ័យនៃការរលូតកូនចំពោះស្ត្រីមានផ្ទៃពោះ។
ទោះបីជាយ៉ាងណា អ្នកមិនគួរបញ្ចប់ការមានកូន ដោយសារការផឹកកាហ្វេនៅពេលយប់ច្រើនពេកនោះទេ។ ជាពិសេសស្ត្រីដែលកំពុងតែមានគោលបំណងចង់បានបុត្រ គួរតែកាត់បន្ថយឲ្យនៅតិចបំផុត និងជ្រើសយកអាហារដែលផ្តល់អត្ថប្រយោជន៍ដល់សុខភាព ដើម្បីផ្គត់ផ្គង់រាងកាយឲ្យមានភាពរឹងមាំ៕
មតិយោបល់