តាមប្រភពព័ត៌មានដែលបានចុះផ្សាយកាលពីពេលថ្មីៗនេះបានឲ្យដឹងថា បុគ្គលិករបស់ក្រុមហ៊ុន KFC បានបដិសេធចំពោះការលក់សាច់មាន់ឲ្យក្មេងអាយុ ១៣ ឆ្នាំបើគ្មានការគ្រប់គ្រងពីមនុស្សពេញវ័យ។ ហេតុការណ៍នេះបានកើតឡើងនៅក្នុងទីក្រុង Manchester នៃប្រទេសអង់គ្លេស។ បុគ្គលិកនៅក្រុមហ៊ុនមួយនេះបានអះអាងថា អតិថិជននៅក្មេងពេក ហើយមានភាពរញ៉េរញ៉ៃជាមួយនឹងការទិញអាហារ។ ក្មេងប្រុសម្នាក់ដែលមានឈ្មោះថា Jake Butterworth ត្រូវបានបុគ្គលិកនៅក្រុមហ៊ុននេះបដិសេធមិនព្រមលក់សាច់មាន់ឲ្យ នៅពេលដែលឪពុករបស់គាត់បានប្រើឲ្យទៅទិញសាច់មាន់សម្រាប់អាហារពេលល្ងាច។ បន្ទាប់ពីដឹងរឿងនេះឪពុករបស់គាត់បានខឹងសម្បារខ្លាំងណាស់ ឲ្យក្រុមហ៊ុន KFC ចេញមុនមកសុំទោសចំពោះឥរិយោបទមិនសមរម្យរបស់បុគ្គលិកដែលធ្វើមកលើអតិថិជនវ័យក្មេង។ ចុងក្រោយក្រុមហ៊ុននេះបានផ្តល់ជូនអាហារដល់គ្រួសារនេះដោយឥតគិតថ្លៃ ជាផ្នែកមួយនៃការសុំទោសចំពោះករណីដែលកើតមានឡើង៕
ព័ត៌មានជាតិ
មតិយោបល់