ក្រោយពីប្រកាសបង្ហាញនូវរបាយការណ៍ប្រាក់ចំណេញរបស់ខ្លួនសម្រាប់ដើមឆ្នាំ ២០១៤ រួចមក ក្រុមហ៊ុន Nokia ក៏បានប្រកាសឲ្យដឹងផងដែរថា នាយកប្រតិបត្តិថ្មី ចាប់ផ្ដើមចូលកាន់តំណែងនៅថ្ងៃទី០១ខែឧសភាឆ្នាំ ២០១៤នេះ។
នាយកប្រតិបត្តិថ្មីរបស់ក្រុមហ៊ុន Nokia គឺលោក Rajeev Suri ជានាយកប្រតិបត្តិក្រុមហ៊ុនទូរគមនាគមន៍ Nokia Siemens Networks (NSN) ត្រូវជាបុត្រសម្ព័ន្ធរបស់ក្រុមហ៊ុន Nokia ហើយក្រោយពីឡើងកាន់តំណែងនេះ ក្រុមហ៊ុន NSN ត្រូវស្ថិតនៅក្រោមស្លាកសញ្ញា Nokia Company។
គួរបញ្ជាក់ផងដែរថា ក្រៅពីអាជីវកម្មទូរស័ព្ទចល័តដែលលក់ទៅឲ្យ Microsoft នោះ ក្រុមហ៊ុន Nokia នៅមានក្រុមហ៊ុន NSN និង HERE Map សម្រាប់ជាប្រភពចំណូល៕
មតិយោបល់