ក្រុងម៉ាឌ្រីដ៖ សន្លឹកអាត់ដ៏សំខាន់របស់ ក្លិប Atletico Madrid កីឡាករ Diego Costa បានអះអាងថា គាត់ដឹងខ្លួនថា មានចំនួន ឬសំណើរផ្តល់ជូនពិសេសមួយ ត្រូវបានធ្វើឡើងសម្រាប់គាត់ ។
កីឡាករ Diego Costa ត្រូវបានក្លិបតោខៀវ Chelsea កំពុងធ្វើការល្បួងយ៉ាងខ្លាំង នៅរដូវកាលនេះ ដោយលោក Jose Mourinho លេបមាត់លេបក ដាក់សំណើរជាពិសេស ដល់កីឡាករ សញ្ជាតិប្រេស៊ីល។
គ្រូបង្វឹក Diego Simeone កាលពីមុននេះ មិនបានបង្ហើបឲ្យដឹង ពីសំណើរ ដែលពួកគេទទួលបាន លើកីឡាករខ្សែប្រយុទ្ធវ័យ ២៥ ឆ្នាំរូបនេះឡើយ ។ ទើបតែពេលនេះ ទទួលបានសំណើរមួយ ពីតោខៀវ ល្បួងហើយ ល្បួងទៀត។
កាលពីរាត្រីថ្ងៃពុធ កន្លងទៅនេះ ក្នុងក្របខណ្ឌ UEFA Champions League កីឡាករ Diego Costa បានជួយឲ្យ ក្លិប Atletico Madrid យកឈ្នះ ក្លិបតោខៀវ នៅវគ្គពាក់កណ្តាលផ្តាច់ព្រ័ត្រ ដោយឡើងទៅជួប Real Madrid នៅវគ្គចុងបញ្ចប់ក្នុងទីក្រុងលីសបន ។ ប៉ុន្តែអ្វីដែលសំខាន់ពេលនេះ កីឡាករ Diego Costa បាននិយាយថា គាត់បានដឹងពីសំណើររបស់តោខៀវរួចរាល់ហើយ តែគាត់មិនប្រញាប់ប្រញាល់ សម្រេចចិត្តនោះទេ ពីអនាគត ព្រោះថា គាត់មានអារម្មណ៍ល្អ នៅ Atletico Madrid សប្បាយរីករាយណាស់នៅទីក្រុង ម៉ាឌ្រីដ ។
កីឡាកររូបនេះបានបន្តថា យើងដឹង ថាមានចំនួនផ្តល់ជូនពិសេស ប៉ុន្តែយើងមិននិយាយក្នុងពេលឆាប់ៗនោះឡើយ ដោយសំខាន់ពេលនេះ គាត់ផ្តោតសំខាន់ទៅលើ តែ ការប្រកួត ធ្វើយ៉ាងណា លើកពាន Champions League និង La Liga តែប៉ុណ្ណោះ៕
ទស្សនាជំនាញបំប៉ោងសំណាញ់របស់ Diego Costa ៖
មតិយោបល់