ភ្នំពេញ៖ រដ្ឋាភិបាលជប៉ុន បានសម្រេចផ្តល់ជំនួយឥតសំណងចំនួន ២៩៥លានយ៉េន (ប្រហាក់ប្រហែល ២ ៨៥០ ០០០ ដុល្លារអាមេរិក) ជូនដល់រាជរដ្ឋាភិបាលកម្ពុជាសម្រាប់អនុវត្ត កម្មវិធីអភិវឌ្ឍន៍អាហារូបករណ៍របស់ប្រទេសជប៉ុន។
ជំនួយឥតសំណងនេះ គឺជាការឆ្លើយតបទៅនឹងសំណើសុំរបស់រដ្ឋាភិបាលកម្ពុជា និងដោយឈរនៅលើទស្សនៈ ដើម្បីពង្រឹងទំនាក់ទំនង មិត្តភាព និងសហប្រតិបត្តិការរវាងជប៉ុន និងកម្ពុជា។
យោងតាមសេចក្តីប្រកាសព័ត៌មានពីស្ថានទូតជប៉ុនប្រចាំកម្ពុជា បានឲ្យដឹងថា សារលិខិតប្តូរនៃគម្រោងនេះ នឹងត្រូវចុះហត្ថលេខារវាង លោក ហោ ណាំហុង រដ្ឋមន្ត្រីក្រសួងការបរទេសកម្ពុជា និងលោក គូម៉ាម៉ារ៉ូ យូជិ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំកម្ពុជា នៅថ្ងៃទី ២៨ ឧសភាស្អែកនេះ៕
មតិយោបល់