ភ្នំពេញ៖បុរស់ម្នាក់ផឹកស្រាស្រវឹងខឹងប្រពន្ធរាយការណ៍ប្រាប់ប៉ូលិសអោយចុះមកអប់រំបានដុតម៉ូតូនឹងដុតបំផ្លាញទ្រព្យសម្បត្តិក្នុងផ្ទះបណ្ដាលអោយឆេះផ្អើលពេញភូមិ។ហេតុការណ៍ខាងលើនេះបានកើតឡើងកាលពីវេលាម៉ោង៨និង០០នាទីព្រឹកថ្ងៃទី២៩ខែឧសភាឆ្នាំ២០១៤ស្ថិតតាមបណ្ដោយផ្លូវលំក្នុងក្រុមទី៦ភូមិក្រោលគោសង្កាត់គីឡូម៉ែត្រលេខ៦ខណ្ឌឬស្សីកែវរាជធានីភ្នំពេញ។
បុរសដែលជាប្ដីប្រមឹកផឹកស្រាស្រវឹងហើយដុតបំផ្លាញទ្រព្យសម្បត្តិនៅក្នុងផ្ទះឆេះអស់បណ្ដាលអោយផ្អើលគេផ្អើលឯងនោះឈ្មោះឡុងភារិទ្ធភេទប្រុសអាយុ២៨ឆ្នាំមុខរបរលក់ភេសជ្ជះតាមម៉ូតូស្នាក់នៅកន្លែងកើតហេតុខាងលើមានស្រុកកំណើតនៅភូមិស្ដៅឃុំស្ដៅស្រុកកងមាសខេត្តកំពង់ចាម។
បើតាមនារីម្នាក់ឈ្មោះព្រហ្មជីវន្ដភេទស្រីអាយុ២២ឆ្នាំដែលត្រូវជាប្រពន្ធមានមុខរបរលក់ភេសជ្ជះតាមម៉ូតូមានស្រុកកំណើតនៅភូមិឬស្សីឃុំក្រោលគោស្រុកស្វាយជ្រុំខេត្ដស្វាយរៀងបានរៀបរាប់ទាំងទឹកភ្នែកថាះនាងបានរៀបការជាមួយនឹងប្ដីប្រមឹកនេះបានរយះពេល3ឆ្នាំហើយនាងបានចំណងដៃកូនស្រីមួយពេលនេះអាយុបានជាងមួយឆ្នាំហើយដោយជួបការខ្វះខាតនៅក្នុងក្រុមគ្រួសារទើបនាងបានផ្ញើរកូនស្រីទុកនឹងម្ដាយហើយក៏នាំប្ដីប្រពន្ធមករកស៊ីនៅទីក្រុងភ្នំពេញពេលមកដល់ភ្នំពេញនាងសល់លុយកាក់បន្ដិចបន្ទួចនាងក៏បានទិញម៉ូតូសង់កូរ៉េមួយគ្រឿងដើម្បីដឹកភេសជ្ជះលក់ពេលដែលលក់បានប្រហែលជាង១ឆ្នាំស្រាប់តែប្ដីរបស់នាងចាប់ផ្ដើមប្លែកពេលដែលស្គាល់មិត្តភ័ក្រច្រើនចេះដើរផឹកស្រាពេលខ្លះដើរផឹកក៏មិនចូលផ្ទះទុកអោយនាងដេកម្នាក់ឯងទៀតផង។
មុនពេលកើតហេតុកាលពីយប់ថ្ងៃទី២៧ខែឧសភាឆ្នាំ២០១៤ប្ដីរបស់នាងបានទៅផឹកស៊ីបាត់មួយយប់លុះព្រឹកឡើងទើបត្រឡប់មកវិញហើយបានរករឿងនាងដេញអោយនាងត្រឡប់ទៅស្រុកកំណើតវិញតែនាងមិនព្រមទៅលុះដល់ព្រឹកថ្ងៃទី២៩ខែឧសភាឆ្នាំ២០១៤ស្រាប់តែប្ដីរបស់នាងបានទិញស្រាបៀរមកផឹកទៀតរហូតស្រវឹងពេលដែលនាងបម្រុងចេញទៅលក់ស្រាប់តែប្ដីប្រមឹករូបនេះមិនអោយនាងទៅលក់ទេហើយក៏បានបិទទ្វាចាក់សោរមិនអោយនាងចេញក្រៅដោយទ្រាំពុំបាននាងក៏ទូស័ព្ទប្រាប់ប៉ូលិសពេលដែលប៉ូលិសប៉ុស្ដ៏គីឡូមែត្រលេខ៦បានមកដល់ក៏ធ្វើការណែនាំអប់រំមិនអោយឈ្លោះគ្នាហើយប៉ូលិសក៏បានត្រឡប់ទៅវិញបាត់ទៅ។លុះពេលដែលសមត្ថកិច្ចចេញទៅបានប្រហែលមួយសន្ទុះស្រាប់តែប្ដីប្រមឹករូបនោះបានស្ដីអោយប្រពន្ធថាហេតុអីបានជារឿងក្នុងក្រុមគ្រួសារសោះចាំបាច់រាយការណ៍ប្រាប់ប៉ូលិសពេលនោះបុរសដែលជាប្ដីប្រមឹករូបនោះបានទាញម៉ូតូបម្រុងនឹងជិះចេញទៅតែត្រូវប្រពន្ធឃាត់មិនអោយជិះម៉ូតូព្រោះស្រវឹងខ្លាចបុកគេតែប្ដីរូបនោះមិនព្រមស្រាប់តែប្រពន្ធបានទៅទាញខ្សែភ្លើងម៉ូតូផ្ដាច់ចោលអស់ពេលនោះស្រាប់តែប្ដីខឹងក៏ទាញបង្ហូទុយូសាំងយកដែកកេសដុតម៉ូតូបណ្ដាលអោយឆេះខ្ទិចតែម្ដងមិនតែប៉ុណ្ណោះប្ដីប្រមឹករូបនោះបានដុតបំផ្លាញទ្រព្យសម្បត្តិនៅក្នុងផ្ទះជាច្រើនបណ្ដាលអោយឆេះផ្អើលអ្នកភូមិទៀតផង។បន្ទាប់ពីកើតហេតុសមត្ថកិច្ចក៏បាននាំបុរសប្រមឹករូបនោះនឹងប្រពន្ធយកទៅអប់រំនៅប៉ុស្ដ៏ហើយអោយសាច់ញាត្តិមកធ្វើកិច្ចសន្យាធានាឈប់អោយធ្វើបែបនេះទៀតសំណាងហើយដែលមិនប៉ះពាល់ដល់អ្នកជិតខាង៕
https://i1272.photobucket.com/albums/y389/domneng/3%20lady/Drunkman1_zps4d9a3154.png
https://i1272.photobucket.com/albums/y389/domneng/3%20lady/Drunkman2_zps2bfa94d5.png
https://i1272.photobucket.com/albums/y389/domneng/3%20lady/Drunkman3_zps542d0b6c.png
មតិយោបល់