មន្ត្រីជាន់ខ្ពស់ របស់អង្គការសហប្រជាជាតិ ហៅកាត់ថា យូអិន មួយរូបកាលពីថ្ងៃព្រហស្បតិ៍ ម្សិលមិញនេះ បានរាយការណ៍ពីការកើនឡើង នូវការប្រយុទ្ធ មួយយ៉ាងសាហាវ នៅក្នុងភាគខាងកើតប្រទេសអ៊ុយក្រែន ដែលបានបណ្ដាលឲ្យមានអ្នកស្លាប់ និង របួសភាគីទាំងសងខាង។
ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី២៩ ខែឧសភា ឆ្នាំ២០១៤ នេះថា នៅក្នុងកិច្ចប្រជុំក្រុម ប្រឹក្សាសន្ដិសុខយូអិន នៅអ៊ុយក្រែន បន្ទាប់ពីមានការ បោះឆ្នោតជ្រើសតាំងប្រធានាធិបតីនៅទីនោះ លោក ចេហ្វ្រ៊ី ហ្វែលមេន ដែលជាអគ្គលេខាធិការរង អង្គការសហប្រជាជាតិ សម្រាប់កិច្ចការនយោបាយ ក៏បាន ជំរុញសហគមន៍អន្ដរជាតិឲ្យ ប្រើប្រាស់លទ្ធផលនៃការបោះឆ្នោតនោះ ឲ្យទៅជាឱកាសក្នុងការ គាំទ្រ សន្ដិភាព ស្ថេរភាព ភាពរុងរឿង និងការរួបរួមគ្នានៅអ៊ុយក្រែន។
លោក ហ្វែលមេន បាននិយាយថា នៅក្នុងតំបន់ លួហ្គេនស៍ និងដូណេកស៍ ទាំងពីរនេះ គឺស្ថិតនៅក្នុងភាគខាងកើតអ៊ុយក្រែន ដែលជាតំបន់មានការកើនឡើង នូវ ការប្រយុទ្ធយ៉ាងសាហាវឃោឃៅ ដែលបានបង្កឲ្យមានការរងរបួសទាំងសងខាង និងស្ថានភាពនៅតែបន្ដកាន់តែក្ដៅគគុក។
លោកក៏បានបញ្ជាក់ជាថ្មីផងដែរថា រដ្ឋលេខាធិការយូអិនលោក បានគីមួន បានធ្វើការអំពាវនាវ ប្រធានាធិបតីជាប់ឆ្នោត ឲ្យដឹកនាំបង្វែរប្រទេសចេញពី ភាពគ្មាន លំនឹងនេះ។ ប្រភពខាងលើបានកត់សម្គាល់ថា លោក បានគីមួន បានសន្ទនាតាមទូរស័ព្ទ ជាមួយលោកប្រធានាធិបតី អ៊ុយក្រែន កាលពីព្រឹកមិញនេះ ដោយលោក បាន គីមូន បានសាទរ រូបលោកដែលទទួលបាន នូវការគាំទ្រយ៉ាងពេញទំហឹងពីប្រជាជន ដើម្បីកាច់ចង្កូតប្រទេសឆ្ពោះទៅរកសន្ដិសុខ, វិបុលភាពកាន់តែរុងរឿង និងអភិបាលកិច្ច បែបប្រជាធិបតេយ្យពិតប្រាកដ៕
ទស្សនាឃ្លិបដូចខាងក្រោមនេះ ៖
មតិយោបល់