ប្រេស៊ីល៖ខ្សែការពារសញ្ជាតិប្រេស៊ីល Thiago Silva បានងាកមកសរសើរដល់មិត្តរួមជាតិរបស់ខ្លួន កីឡាករ Naymar ថា នឹងក្លាយជាតារាមួយដួងក្នុងដួងចិត្តរបស់អ្នកគាំទ្រ នៅក្នុងព្រឹត្តិការណ៍ 2014 World Cup លើទឹកដីកំណើត ។
Thiago Silva បានបន្តទៀតថា កីឡាករវ័យ ២១ ឆ្នាំ រូបនេះមិនបានបង្ហាញទម្រង់លេងដ៏ល្អលើទឹកដីរបស់ខ្លួន តាំងពី ផ្លាស់ប្តូរទៅកាន់ Barcelona កាលពីរដូវកាលមុន ដោយស្វែងរកបានគ្រាប់បាល់ ១៥ គ្រាប់ ជាមួយនឹងក្លិបចាយលុយធំ ។
ទន្ទឹមជាមួយនឹងគ្នានេះដែរ Silva ជឿជាក់ថា Neymar នឹងដាក់ការលំបាកនៅក្រោយរដូវកាល និងប្រែក្លាយខ្លួនជាចំណុចដ៏មានពន្លឺ សម្រាប់ជាតិរបស់ខ្លួនក្នុងព្រឹត្តិការណ៍ពិភពលោក។
ខ្សែការពារកណ្តាលរបស់ PSG រូបនេះបានបន្តថា Neymar ជាចំណុចដ៏សំខាន់របស់ក្រុម ហើយសង្ឈឹមថា នឹងលើកពាន World Cup ទៀតផង ខណៈដែលក្រុមកំពុងមានគុណភាព និងទំនុកចិត្តធ្វើអ្វីៗដើម្បីជាតិ ជាពិសេសអំឡុងពេលនេះតែម្តង៕
មតិយោបល់