ក្រុមហ៊ុន Apple ទើបតែប្រកាសបង្ហាញនូវលក្ខណៈពិសេសរបស់ iMessage ជាមួយនឹង iOS 8 ដែលធ្វើឲ្យអ្នកប្រើកាន់តែងាយស្រួលជាងមុន ជាពិសេសអាចឲ្យអ្នកប្រើធ្វើការបំភ្លេច WhatsApp បានទៀតផង ដែលធ្វើឲ្យ លោក Jan Koum សហស្ថាបនិក និងជានាយកប្រតិបត្តិ WhatsApp មិនសូវសប្បាយចិត្ត។
iMessage ថ្មីនៅលើ iOS 8 ត្រូវបានបញ្ចូលលក្ខណៈពិសេសជាច្រើនដូចជាអាចធ្វើការផ្ញើសារជាអក្សរ សំឡេង និងវីដេអូ ជាពិសេសថែមទាំងអាច Share នូវទីតាំងបានទៀតផង។
លោក Jan Koum បានបង្ហោះនៅលើ Twitter ថា លក្ខណៈពិសេសថ្មីនេះ គឺ Apple ខ្ចី WhatsApp ប៉ុន្តែមិនបាននិយាយថា លួចចម្លងនោះទេ។ ទោះជាយ៉ាងនេះក្ដី ក៏គេអាចយល់បានថា លោក Jan Koum ពិតជាខិត និងមានអារម្មណ៍មិនល្អជាមួយ Apple។
គួរបញ្ជាក់ផងដែរថា WhatsApp ត្រូវបាន Facebook ទិញកាលពីខែកុម្ភៈ ក្នុងតម្លៃ ១៩ពាន់លានដុល្លារអាមេរិក ហើយមកដល់ពេលនេះមានអ្នកប្រើប្រាស់ជាង ៥០០លាននាក់៕
មតិយោបល់