អាជ្ញាធរសិង្ហបុរី បានសហការជាមួយនឹងក្រុមហ៊ុនផ្ដល់សេវាកម្មអ៊ីនធើណែតបាន ឲ្យដឹងនៅថ្ងៃពុធទី១១ខែមិថុនា ឆ្នាំ ២០១៤ នេះថា មានអ្នកប្រើប្រាស់អ៊ីនធើណែតជាង ២.០០០នាក់ នៅក្នុងប្រទេស បានរងផលប៉ះពាល់ពីមេរោគ Gameover Zeus(GOZ) និង CryptoLocker malware។
យោងតាមការចុះផ្សាយរបស់ Channel News Asia បានឲ្យដឹងថា អាជ្ញាធរអាមេរិក សហការជាមួយអាជ្ញធរក្នុងស្រុក រួមនឹងក្រុមហ៊ុនបច្ចេកវិទ្យា SingCERT បានរកឃើញថា អ្នកចំនួនអ្នកប្រើអ៊ីនធើណែតនៅក្នុងប្រទេសសិង្ហបុរី ២.០០០នាក់ បានរងផលប៉ះពាល់ពី Malware។
Gameover Zeus(GOZ) និង CryptoLocker malware បានធ្វើការលួចទិន្នន័យរបស់អ្នកប្រើប្រាស់ ដូចជាព័ត៌មាន ឈ្មោះ ពាក្យសម្ងាត់ និងទិន្នន័យធនាគារជាដើម។
កាលពីថ្ងៃទី០៣ខែមិថុនា ឆ្នាំ ២០១៤ កន្លងទៅនេះ Sky News ធ្លាប់បានចុះផ្សាយថា Gameover Zeus(GOZ) បានធ្វើការអុកឡុកទៅលើអ្នកប្រើប្រាស់អ៊ីនធើណែត។
ក្រុមហ៊ុន SingCERT បានបញ្ជាក់ឲ្យដឹងថា មេរោគខាងលើនេះ បានវាយប្រហារទៅលើកុំព្យូទ័រដែលប្រើប្រាស់ប្រព័ន្ធដំណើរការ Windows 95, 98, Me, 2000, XP, Vista, 7, 8, Microsoft Server 2003, Server 2008, Server 2008 R2 និង Server 2012។
SingCERT ក៏បានណែនាំឲ្យអ្នកប្រើប្រាស់ធ្វើការតំឡើងកម្មវិធីកម្ចាត់មេរោគ និងធ្វើការផ្លាស់ប្ដូរឈ្មោះ និងពាក្យសម្ងាត់ ព្រមទាំង Back up ឯកសារមួយចំនួនទុកឲ្យបានល្អ៕
https://i1272.photobucket.com/albums/y389/domneng/singapore_zps183341fe.png
មតិយោបល់