ស្ត្រីដែលទទួលទានកាហ្វេ ៤ ពែងក្នុង ១ ថ្ងៃធ្វើឲ្យកម្រិតអរម៉ូនភេទកើនឡើងខ្ពស់ ហើយគ្រោះថ្នាក់នៃជំងឺទឹកនោមផ្អែមថយចុះបានដល់ទៅ ៥៦%។ ការទទួលទានកាហ្វេ ៤ ពែងក្នុង ១ ថ្ងៃអាចជួយកាត់បន្ថយគ្រោះថ្នាក់នៃជំងឺទឹកនោមផ្អែមរបស់ស្ត្រី។ នេះជាការសន្មត់របស់អ្នកជំនាញដោយមិនគិតថាគុណភាពនៃកាហ្វេផ្តល់ផលប៉ះពាល់ដល់ផ្នែកផ្សេងៗទៀតនៃរាងកាយរបស់អ្នកយ៉ាងណាទេ។
កាហ្វេអាចជួយកាត់បន្ថយគ្រោះថ្នាក់នៃជំងឺទឹកនោមផ្អែម ដែលត្រូវបានសន្មត់ និងស្រាវជ្រាវដោយអ្នកវិទ្យាសាស្ត្រ។ កាលពីឆ្នាំ ២០០៤ ការសិក្សាមួយបានចេញផ្សាយនៅក្នុងទស្សនាវដ្តីថែរក្សាសុខភាពថា៖ ជាតិកាហ្វេអ៊ីនមិនធ្វើឲ្យមានគ្រោះថ្នាក់ដល់ជំងឺទឹកនោមផ្អែមឡើយ ពីព្រោះវាការពារការធ្លាក់ចុះនៃគ្លុយកូស។ តាមការសិក្សាកាលពីឆ្នាំ ២០០៦ បានរកឃើញថា៖ ស្ត្រីដែលបានទទួលទានកាហ្វេ ៦ ពែងក្នុង ១ ថ្ងៃអាចជួបនឹងគ្រោះថ្នាក់នៃជំងឺទឹកនោមផ្អែម ២២ ភាគរយ ទាបជាងអ្នកដែលមិនបានទទួលទានកាហ្វេសោះ។
នៅក្នុងការសិក្សាបានបង្ហាញទៀតថា កាហ្វេអាចជួយបង្កើនកម្រិតនៃអរម៉ូនភេទនៅក្នុងឈាម។ កម្រិតនៃអរម៉ូនភេទត្រូវបានគេទទួលស្គាល់ថាអាចជួយកាត់បន្ថយពីគ្រោះថ្នាក់នៃជំងឺទឹកនោមផ្អែម។
តាមរយៈការសិក្សារបស់អ្នកស្រាវជ្រាវពីសាកលវិទ្យាល័យកាលីហ្វញ៉ា រដ្ឋអែនជេលែស បានឲ្យដឹងថាទម្លាប់នៃការទទួលទានកាហ្វេរបស់ស្ត្រីចំនួន ៣៥៩ នាក់ដែលកើតជម្ងឺទឹកនោមផ្អែមអាចបន្តរស់បានរហូតដល់ទៅ ១០ ឆ្នាំខាងមុខទៀត។ វាកើតឡើងចំពោះស្ត្រីដែលទទួលទានកាហ្វេ ៤ ពែងក្នុង ១ ថ្ងៃអាចមានកម្រិតអរម៉ូនភេទខ្ពស់ និងគ្រោះថ្នាក់នៃជំងឺទឹកនោមផ្អែមអាចថយចុះបាន ៥៦ ភាគរយបើធៀបនឹងអ្នកដែលមិនទទួលទានកាហ្វេ។ ទោះជាយ៉ាងក៏ដោយ កុំទទួលទានកាហ្វេច្រើនពេក ព្រោះកាហ្វេ អាចមានប្រសិទ្ធិភាពចំពោះជំងឺទឹកនោមផ្អែម តែវាអាចផ្តល់ផលប៉ះពាល់ដល់ផ្នែកផ្សេងៗនៃរាងកាយរបស់អ្នកបាន។ ត្រូវកំណត់បរិមាណនៃកាហ្វេដោយខ្លួនឯង។ យកល្អ សូមទៅពិគ្រោះជាមួយនឹងវេជ្ជបណ្ឌិតប្រើសើរជាង៕
មតិយោបល់