បណ្ឌិត តាហៀរ អ៊ុល កាឌ្រី (Tahir Ul Qadri) ដែលបាននឹងកំពុងរស់នៅក្នុងប្រទេស កាណាដាអស់ពេលជាច្រើនឆ្នាំមកហើយនោះ បាន ត្រឡប់មកកាន់ប្រទេសវិញ កាលពីថ្ងៃចន្ទនេះ តាមជើងយន្តហោះរបស់ក្រុមហ៊ុនយន្តហោះ Emirate Airlines ដើម្បីដឹកនាំធ្វើការតវ៉ាប្រឆាំង រដ្ឋាភិបាលមួយ។
ពួកអាជ្ញាធរអាកាសចរណ៍ស៊ីវិល នៅឯព្រលានយន្តហោះអ៊ីស្លាម៉ាបាដបានបញ្ជាក់អះអាងថា តែយ៉ាងណាក៏ដោយ ជើងយន្តហោះដែលបានគ្រោង ចុះចតនៅឯព្រលានយន្តហោះអន្តរជាតិ បេណាហៀរ ប៊ូតូ របស់ក្រុងអ៊ីស្លាម៉ាបាដ នៅប្រហែលម៉ោង៨ព្រឹកនោះ ត្រូវបានគេបង្វែរឱ្យទៅកាន់ទី ក្រុងឡាអ័រ រដ្ឋធានីខេត្ត ពុនចាប វិញ ។ពួកអ្នកគាំទ្រលោក កាឌ្រី រាប់ពាន់នាក់ បានប្រមូលផ្តុំគ្នានៅខាងក្រៅព្រលានយន្តហោះ ដើម្បីស្វាគមន៍មេដឹកនាំរបស់ពួកគេ ។ លោក កាឌ្រី បាន គ្រោងដឹកនាំការដើរក្បួនតវ៉ាមួយចេញពី ក្រុងអ៊ីស្លាម៉ាបាដ ទៅកាន់ក្រុងឡាអ័រ តាមផ្លូវថ្នល់ ។
ការប៉ះទង្គិចគ្នាបានផ្ទុះឡើងនៅពេលដែលប៉ូលិសបង្ក្រាបការបះបោរ បានបញ្ឈប់ពួកអ្នក គាំទ្រលោក កាឌ្រី មិនឱ្យទៅកាន់ព្រលានយន្តហោះ ដោយសារបម្រាមរដ្ឋាភិបាលមួយ មិនឱ្យមាន ការប្រមូលផ្តុំគ្នាខាងនយោបាយ នៅក្នុងទឹកដីរដ្ឋធានីនេះ ។ពួកមន្ត្រីបាននិយាយថា ប៉ូលិស២៤នាក់ បានរងរបួសផងដែរ នៅពេលដែលអ្នកគាំទ្រ លោក កាឌ្រី បានចោលដុំថ្មទៅលើពួកគេ ។
ពួកអ្នកគាំទ្រលោក កាឌ្រី រាប់សិបនាក់ក៏រងរបួសផងដែរ នៅពេលដែលប៉ូលិសបាញ់គ្រាប់ ឧស្ម័នធ្វើឱ្យហូរទឹកភ្នែកនឹងប្រើដំបងបំបែកពួកគេ ។
ពួកអ្នកតវ៉ាដែលមានកំហឹង ក៏បានវាយកំទេចរថយន្តជាច្រើនគ្រឿងផងដែរ នៅពេលដែល ការប៉ះទង្គិចគ្នា បានបន្តអស់ពេលជាច្រើនម៉ោង ។ ផ្លូវ ទៅកាន់ក្រុង អ៊ីស្លាម៉ាបាដ ត្រូវគេបិទដែល បង្កឱ្យមានការលំបាកដល់ពួកអ្នកធ្វើដំណើរទៅកាន់ក្រុងអ៊ីស្លាម៉ាបាដ ។
ពួកអាជ្ញាធរបានដាក់ពង្រាយកងយោធាប្រតិពន្ធ សម្រាប់ការពារសន្តិសុខព្រលានយន្ត ហោះ ជាមួយការដាក់ពង្រាយប៉ូលិសបន្ថែម ក្នុងក្រុង អ៊ីស្លាម៉ាបាត៕
មតិយោបល់