លទ្ធផល ក្រុម G ការប្រកួតរវាង Portugal និង Ghana រកឃើញអ្នកដែលត្រូវទៅនឹងត្រូវនៅ កាលពីរាត្រីថ្ងៃទី ២៦ ឈានចូលរាត្រីទៀបភ្លឺថ្ងៃទី ២៧ ខែ មិថុនា ឆ្នាំ ២០១៤ ធ្វើឡើងនៅ Estadio Nacional ។
កីឡាករ លំដាប់ពិភពលោក Cristiano Ronaldo បាននាំក្រុមខ្លួនចាកចេញពី World Cup ទៅកាន់ប្រទេសព័រទុហ្គាលវិញ បន្ទាប់ពី កីឡាកររូបនេះ មិនអាច ជួយស្វែងរកគ្រាប់បាល់ឲ្យច្រើនលើស លុប លុត ក្រុម Ghana ។ បើទោះបីជា ឈ្នះ Ghana ២ – ១ មែនពិត តែលទ្ធផល នេះតម្រូវឲ្យព័រទុហ្គាល ចាកចេញ ពី World Cup ខណៈដែលប្រកួតកន្លងមក ២ ឈ្នះតែ ១ ទាំងគ្រាប់បាល់ប្រផិតប្រផើយតែប៉ុណ្ណោះ ។
លេងក្នុងស្ថានភាពទាំងឈឺក្បាលជង្គង់របស់ Cristiano Ronaldo និង មានឱកាសស៊ុតជាច្រើនលើកច្រើនសារ ក្តី នៅតែមិនអាច ផុតកណ្តាប់ដៃ អ្នកចាំទី Ghana បានឡើយ។
ផ្ទុយទៅវិញសម្រាប់ការចាកចេញពី World Cup របស់ Cristiano Ronaldo វាជារឿងល្អ របស់ កីឡាកររូបនេះទៅវិញនោះទេ មិនធ្វើឲ្យខ្លួនប្រឈមនឹងការបាត់បង់អាជីព ខណៈដែលលេងទាំងមានបញ្ហាក្បាលជង្គង់នោះ ។ ប្រភពព័ត៌មានចុះផ្សាយកន្លងមកក៏បានឲ្យដឹងថា បើសិនជា Ronaldo នៅតែលេងទាំងស្ថានភាពនេះ ច្បាស់ណាស់ ក្រោយបញ្ចប់ World Cup គាត់នឹងត្រូវដើរចេញពី ពិភព បាល់ទាត់ តែម្តង ។
ដោយឡែកសម្រាប់រាត្រីជាមួយនឹងគ្នានោះដែរ អាមេរិក ចាញ់ អាល្លឺម៉ង់ ០ – ១ អាហ្សេរី ស្មើ ១ -១ ជាមួយនឹងរុស្ស៊ី និង កូរ៉េខាងត្បូង បរាជ័យក្រោមថ្វីជើង ប៊ែលហ្សិក ក្នុងលទ្ធផល ០ – ១ ៕
មតិយោបល់