ឪពុកខ្សែការពាររបស់កូឡ៊ុំប៊ី Juan Zuniga បានបង្ហើបឲ្យដឹងថា លោកនៅតែគិតលើបញ្ហាគំរាមកំហែង និងទទួលស្គាល់លើចំណុចដែលវាយប្រហារទៅលើកីឡាករ Neymar ក្នុងអំឡុងពេល World Cup ។
ខ្សែការពាររូបនេះបានប៉ះទង្គិចជាមួយនឹង តារាបាល់ទាត់ល្បីល្បាញប្រេស៊ីល ក្នុងវគ្គ ១៦ ក្រុមចុងក្រោយ និងធ្វើឲ្យ Neymar បាក់ឆ្អឹងខ្នង ខណៈដែល Juan Zuniga ឡើងជង្គង់ពីក្រោយ។
ឪពុក Zuniga បានប្រាប់ដល់ Lancenet ថា “យើងបាននិយាយទៅកាន់អាជ្ញាធរ ហើយ ការពិតណាស់ក្នុងនាមជាឪពុកខ្ញុំគឺព្រួយបារម្ភណាស់ វាជាការគំរាមកំហែងមួយដ៏ធំ និង ប្រមាថលើជាតិសាសន៍ផងដែរ”។
លោកបានបន្តថា “Neymar បានស្តីបន្ទោសលើកូនប្រុសរបស់ខ្លួនរួចរាល់ហើយ តែអ្វីដែលសំខាន់នោះកូនប្រុសរបស់ខ្លួន គ្មានបំណង ចង់ប្រើអំពើហិង្សា និងកំហុសដ៏ឆ្កួត ដែលជាកំណត់ត្រាពិភពលោកនោះ”។ ម្យ៉ាងវិញទៀត អ្នកដែលប្រមាថ ដល់គាត់ វាហាក់ដូចជាមិនយល់ពីកីឡាបាល់ទាត់ ដោយរបួសតែងតែកើតមាន ហើយកូនប្រុសរបស់ខ្លួនបានបកស្រាយជាសាធារណៈហើយ៕
មតិយោបល់