ទីក្រុងឡូអេនជើឡេស៖ យោងតាមសារព័ត៌មាន វីគីបានចុះផ្សាយឲ្យដឹងថា ជំនួយការគ្រូបង្វឹកក្លិបបិសាចក្រហម Ryan Giggs បានធៀបចៅហ្វាយដឹកនាំក្រុមថ្មីរបស់បិសាចក្រហម Louis van Gaal គឺជាបុរសម្នាក់ ដែលមានភាពស្រដៀងគ្នា ទៅនឹងអតីតអ្នកដឹកនាំក្រុម Sir Alex Ferguson ។
អ្នកយុទ្ធសាស្ត្រទីលានសញ្ជាតិហុល្លង់ បានធ្វើដំណើរ មកដល់ Old Trafford ជាមួយនឹងការបន្ត ដ៏គួរឲ្យចាប់អារម្មណ៍មួយ ខណៈកន្លងមកធ្លាប់ដឹកនាំក្រុម ឆ្ពោះទៅកាន់ភាពជោគជ័យ ជាមួយនឹងក្លិប Barcelona , Ajax ,Bayern Munich និងក្រុមជម្រសើជាតិហុល្លង់ ។
មុននេះបិសាចក្រហម បានបញ្ចប់ដោយភាពឈឺចាប់បំផុត សម្រាប់រដូវកាល ២០១៣ និង ២០១៤ ដែលដឹកនាំក្រុមដោយ David Moyes ។ តែនៅទីនេះ Louis van Gaal មានសុទិដ្ឋិនិយមបំផុត ដោយសង្ឈឹមថា លោកនឹងដឹកនាំក្រុមទៅកាន់កំពូលតារាងវិញ។
បើធៀបជាមួយនឹង Ferguson គឺមានភាពស្រដៀងគ្នា ទៅនឹងអតីតអ្នកដឹកនាំក្រុម។
Ryan Giggs បាននិយាយថា “Van Gaal ជាប្រភេទមនុស្សដឹកនាំ តាមបែបចិត្តសាស្ត្រ ថែមទាំងមិនងាយ ស្តីបន្ទោស កីឡាករណាឡើយ ហើយក៏មិនបង្ខំផងដែរ ។ ជាក់ស្តែងការដឹកនាំគ្រប់ការប្រកួតរបស់គាត់ គឺកម្រឃើញគាត់ធ្វើកាយវិការ ឬក៏ឆ្កាដៃឆ្កាជើងនៅលើទីលានណាស់ គឺបណ្តោយឲ្យកូនក្រុមលេងតាមចិត្ត ។ មួយវិញទៀតអ្វីដែលលោក Louis van Gaal ធ្វើគឺច្រើនតែច្បាស់ និងពូកែមិះទឹកចិត្តកីឡាករណាស់ ជា ពិសេសនៅពេលអំឡុង ហ្វឹកហាត់តែម្តង គឺពូកែស្វែងយល់ថា កីឡាករណាលេង ត្រូវជើងនឹងកីឡាករណា” ។
សូមបញ្ជាក់ផងដែរថា កាលពីថ្ងៃពុធកន្លងមកនេះ លោក Louis van Gaal ហោះហើរទៅកាន់ទឹកដីអាមេរិក ដោយប្រើយុទ្ធសាស្ត្រខ្លួន ជួយឲ្យបិសាចក្រហម លុត ក្លិប La Galxy ក្នុងលទ្ធផល ៧ – ០ នេះគ្រាន់តែជាជំនួបមិត្តភាព ៕
មតិយោបល់