មូស្គូ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន នៅថ្ងៃទី០៥ ខែសីហា កន្លងទៅនេះ បានចេញបញ្ជាឲ្យរដ្ឋាភិបាលរបស់ខ្លួន លើកឡើងនូវការដាក់ទណ្ឌកម្មតបតទៅនឹងលោកខាងលិចដែលចោទប្រកាន់ មកលើទីក្រុងមូស្គូថា បានគាំទ្រក្រុមផ្ដាច់ទឹកដីនិយមនៅភាគខាងកើតអ៊ុយក្រែន។
លោកពូទីន បានថ្លែងថា រដ្ឋាភិបាលរុស្ស៊ីនឹងលើកឡើងនូវការដាក់ទណ្ឌកម្មទៅលើប្រទេសដែលបានដាក់ ទណ្ឌកម្មមកលើរុស្ស៊ី ហើយការដាក់ទណ្ឌកម្មតបតនោះគឺធ្វើឡើងដើម្បីរក្សាការពារផល ប្រយោជន៍របស់រុស្ស៊ីតែប៉ុណ្ណោះ។
រុស្ស៊ីនឹងហាមប្រាមបណ្ដាក្រុមហ៊ុន អាកាសចរណ៍នៅតំបន់អឺរ៉ុបហោះហើរ ឆ្លងកាត់ដែនអាកាសរបស់រុស្ស៊ីក្នុង នោះមានតំបន់សាយប៊ូរី ចូលទៅកាន់ ទ្វីបអាស៊ីគឺជាការតបតជំហានដំបូង របស់រុស្ស៊ី។
ក្រសួងការបរទេស និងក្រសួងចរាចរណ៍រុស្ស៊ីបានឲ្យដឹងថា ទីក្រុងមូស្គូកំពុងពិភាក្សាពីការឆ្លើយតប នឹងទណ្ឌកម្មរបស់អឺរ៉ុបដោយមិនអនុញ្ញាត ឲ្យបណ្ដាក្រុមហ៊ុនអាកាសចរណ៍អឺរ៉ុប ឆ្លងកាត់ដែនអាកាសរុស្ស៊ីទៀតឡើយ គឺ ត្រូវតែហោះវៀង
ការហាមឃាត់នេះ នឹងធ្វើឲ្យ រុស្ស៊ីក៏នឹងត្រូវខាតបង់ទឹកប្រាក់ប្រមាណ ៣០០លានដុល្លារក្នុងមួយឆ្នាំ ជាប្រាក់ ដែលបណ្ដាក្រុមហ៊ុនអាកាសចរណ៍នានា ត្រូវបង់ជូនពេលហោះហើរឆ្លងកាត់ដែន អាកាសរុស្ស៊ី៕
មតិយោបល់