ចិន៖មជ្ឈមណ្ឌលជាតិបង្ការគ្រោះទឹកជំនន់ បានគូសបញ្ជាក់កាលពីថ្ងៃអង្គារថា មនុស្ស ៥០,២៧លាននាក់នៅទូទាំងប្រទេស បានទទួលរងផលប៉ះពាល់ ដោយគ្រោះទឹកជំនន់នៅក្នុង ឆ្នាំនេះ ដែលបណ្តាលឱ្យស្លាប់៣១១នាក់ និង បាត់ខ្លួន៨៨នាក់ ។ នេះបើយោងតាមទីភ្នាក់ងារសារព័ត៌មាន ស៊ីនហួ ។
មជ្ឈមណ្ឌលជាតិគ្រប់គ្រងគ្រោះទឹកជំនន់ នឹងប្រយុទ្ធប្រឆាំងនឹងគ្រោះរាំងស្ងួត បានគូសបញ្ជាក់ថា មកដល់ថ្ងៃទី១២សីហា ការខាតបង់ដោយផ្ទាល់ ដែលបង្កឡើងដោយគ្រោះទឹកជំនន់ មានចំនួនសរុប១០៧,៨ពាន់លានយ័ន ( ១៧,៥២ពាន់លានដុល្លារ ) ។
តាមមជ្ឈមណ្ឌលនេះបានឱ្យដឹងថា ប៉ុន្តែចំនួនប្រជាជនដែលទទួលផលប៉ះពាល់ដោយគ្រោះទឹកជំនន់ បានថយចុះពាក់កណ្តាល និងចំនួនមនុស្សស្លាប់ បានថយចុះ៦០% បើប្រៀបធៀប ទៅនឹងមធ្យមភាគរយៈពេល១៤ឆ្នាំចុងក្រោយនេះ ។
ទិន្នន័យទាំងឡាយបានគូសបញ្ជាក់ថា កម្ពស់ទឹកទន្លេធំៗចំនួន៧របស់ចិន ស្ថិតនៅក្រោមកម្ពស់ទឹកប្រកាសអាសន្ននៅឡើយ ចាប់តាំងពីដើមរដូវភ្លៀង មក ក្នុងខណៈពេលដែលកម្ពស់ទឹកកើនឡើងនៅតាមស្ទឹងតូចៗ ត្រូវតាមសង្កេតមើលដោយប្រុងប្រយ័ត្ន ៕
មតិយោបល់