មួយរយៈពេលក្រោយនេះ រដ្ឋាភិបាលចិនបានធ្វើទុក្ខម្នេញដល់ក្រុមហ៊ុនបច្ចេកវិទ្យាអាមេរិកជាច្រើន ក្នុងនោះក៏មាន Microsoft មួយផងដែរ។ ស្របពេលដែលទទួលបានដំណឹងមិនល្អនៅក្នុងប្រទេសចិន លោក Satya Nadella នាយកប្រតិបត្តិ Microsoft បានកំណត់ដំណើរទស្សនកិច្ចផ្លូវការមួយទៅកាន់ទីនោះ។
យោងតាមប្រភពដែលជិតស្និទ្ធ បានលួចបង្ហើបប្រាប់សារព័ត៌មាន Rueters ថា លោក Nadella នឹងទៅបំពេញទស្សនកិច្ចនៅក្នុងប្រទេសចិន នាចុងខែកញ្ញា ដើម្បីបង្កើនចំណងមិត្តភាពឡើងវិញ ព្រោះថា នៅពេលនេះ ចិនកំពុងតែធ្វើការស៊ើបអង្កេតមកលើការិយាល័យ Microsoft ដែលមានទីតាំងនៅក្នុងប្រទេសចិន។
សារព័ត៌មាន Reuters បានទាក់ទងទៅកាន់អ្នកនាំពាក្យរបស់ក្រុមហ៊ុន Microsoft ប៉ុន្តែត្រូវបានបដិសេធមិនធ្វើអត្ថាធិប្បាយអ្វីទាំងអស់៕
មតិយោបល់