​ក្រុមហ៊ុន Apple បាន​ប្រកាស​ជា​ផ្លូវការ នៅ​ថ្ងៃ​ទី​០៩​ខែកញ្ញា​នេះ ខ្លួន​នឹង​រៀបចំ​ព្រឹត្តិការណ៍​ធំ​មួយ ដែល​ត្រូវបាន​គេ​រំពឹងថា​នឹង​បង្ហាញ iPhone 6 នៅក្នុង​ព្រឹត្តិការណ៍​នោះ​។ ក្រោយពី Apple ប្រកាស​ឲ្យដឹង​ពី​មូលហេតុ​នេះ​បន្ដិច ក្រុមហ៊ុន China Mobile ដែលជា​ក្រុមហ៊ុន​ផ្ដល់​សេវាកម្ម​ទូរស័ព្ទ​ធំជាងគេ​បំផុត​នៅលើ​ពិភពលោក បាន​ប្រកាស​ទទួល​បញ្ជា​ទិញ​ទុកជាមុន iPhone 6​។​

​គេហទំព័រ China Daily បាន​ចុះផ្សាយ​ថា China Mobile បាន​ទទួល​ការបញ្ជាទិញ​ទុកជាមុន iPhone ថ្មី ដែល​ត្រូវបាន​គេ​គិត​ថា​ជា iPhone 6 ដោយ​មាន​ការបញ្ជាទិញ​ទុកជា​មុន​រហូតដល់​ជិត ៥.០០០​គ្រឿង តែ​ក្នុងពេល​ប៉ុន្មាន​ថ្ងៃ​។​
​ចំណែក​គេហទំព័រ The China Mobile Beijing បាន​ចុះផ្សាយ​ថា China Mobile ទទួល​ការបញ្ជាទិញ​ទុកជាមុន iPhone 6 ទាំង​ពីរ​ម៉ូ​ដែល​គឺ iPhone 6 អេក្រង់ ៤,៧​អ៊ីង និង ៥,៥​អ៊ីង​៕​