ខេត្តប៉ៃលិន៖ ប្រជាពលរដ្ឋជាង៣០គ្រួសារ រស់នៅភូមិអូរតាវ៉ៅ បានធ្វើការរិៈគន់ ចំៗដល់ អជ្ញាធរពាក់ព័ន្ធក្នុងខេត្ត ដែលមានជំនាញផ្នែកស្ពាន/ផ្លួវ មេត្តាជួយមើលស្ពានប៉ាលេមួយកន្លែង កំពង់តែបាក់ស្រុត ព្រោះធ្វើអត់ស្តង់ដា ស្ថិតក្នុងភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន ផ្លួវចូលសាលាបឋមសិក្សា ស ខេង អូរតាវ៉ៅ បណ្តាលឲ្យប្រជាពលរដ្ឋ ពិសេសសិស្សានុសិស្ស ដែលឆ្លងកាត់ទៅសាលារៀន មានការព្រួយបារម្ភពីសុវត្ថិភាពផ្ទាល់ខ្លួន ។
ប្រភពពីប្រជាពលរដ្ឋរស់នៅភូមិអូរតាវ៉ៅ បានឲ្យដឹងថា៖ ស្ពានមួយកន្លែងដែលដាក់តាមផ្លួវចូលទៅសាលាបឋមសិក្សា ស ខេង អូរតាវ៉ៅ ដែលមានចំងាយពីផ្លួវចាក់កៅស៊ូ៣៥០ម៉ែត្រ កំពុងបាក់ស្រុតបង្កឲ្យមានការព្រួយបារម្ភ ចំពោះអ្នកឆ្លងកាត់ ពិសេសក្មេងៗដែលជាសិស្សានុសិស្ស ។ ប្រភពបញ្ជាក់ថា៖ នៅចំនុចស្ពាននេះ កាលពីមុនគេដាក់លូប្រអប់ តែដោយសារមានទឹកជំនន់កាលពីឆ្នាំកន្លងទៅ ទើបធ្វើឲ្យប្រព័ន្ធលូនៅទីនេះហូរចាក់ទៅក្រោមអស់ ខូចខាត់ទាំងស្រុង ជាហេតុបណ្តាលឲ្យប្រជាពលរដ្ឋពិបាកក្នុងការធ្វើដំណើរឆ្លងកាត់ ប៉ុន្តែនៅមុនខែបោះឆ្នោតជ្រើសតាំងតំណាងរាស្ត្រ ស្រាប់តែមន្ទីរជំនាញខាងសាធារណៈការខេត្ត ដឹកស្ពានប៉ាលេយកមកដាក់ ដើម្បីតភ្ជាប់ផ្លួវ តែពុំមានចាក់សាបជើងក្រោមស្ពាននោះទេ ដោយដាក់ឲ្យតែរួចពីដៃ គ្រាន់តែធ្វើដំណើរបាន ។ ប្រភពបន្តទៀតថា៖ ក្រោយមកក៏មានទឹកហូរខ្លាំង បង្កឲ្យអាចម៏ដីនៅចំហៀងអូរ ហូរធ្លាក់ចុះបន្តិចម្តងៗ ចំណែកស្ពានបានបាក់ស្រុត ស្ទើរតែក្លាយជាអក្សរវី ធ្វើឲ្យពួកគាត់ពិបាកក្នុងការឆ្លងកាត់ ,ហើយស្ពានមួយនេះ មានសារៈសំខាន់ណាស់សំរាប់ពួកគាត់ ព្រោះការធ្វើដំណើរទៅមក ពិសេសសិស្សានុសិស្ស ឆ្លងទៅសាលារៀន ។ ប្រភពបន្តថា នៅចំនុចស្ពាននេះ ពួកគាត់បានធ្វើលិខិតស្នើរទៅអជ្ញាធរពីទៅបីដងហើយ ប៉ុន្តែពុំមានឃើញអជ្ញាធរណាម្នាក់អើរពើរឡើយ , ពួកគាត់បានសំណូមពរ ឲ្យអជ្ញាធរខេត្ត មេត្តាជួយធ្វើស្ពានមួយកន្លែងនេះឲ្យពួកគាត់ផង ព្រោះវាមានសារៈសំខាន់ណាស់ សម្រាប់កូនចៅពួកគាត់ឆ្លងទៅសាលារៀន ដើម្បីសិក្សា ហើយណាមួយពុំមានផ្លួវណាចេញចូលនោះទា គឺមានតែមួយខ្សែរនេះ ។
ចំណែកលោក សុខ រី មេភូមិអូរតាវ៉ៅ បានឲ្យដឹងតាមទូរស័ព្ទកាលពីរសៀលថ្ងៃទី៤ ខែកញ្ញានេះថា៖ ស្ពានមួយកន្លែងនេះ វាមានសារៈសំខាន់ណាស់សម្រាប់ការធ្វើដំណើរឆ្លងកាត់ ពិសេសក្មេងៗដែលជាសិស្សសាលា , ហើយលោកក៏បាន ធ្វើពាក្យស្នើរសុំទៅសាលាខេត្ត ម្តងទៅពីរដងរួចមកហើយ ប៉ុន្តែពុំមានការឆ្លើយតបនោះទេ ។ លោកក៏បានសំណូមពរ ឲ្យអជ្ញាធរពាក់ព័ន្ធ មេត្តាជួយធ្វើស្ពាននេះផង ណាមួយជិតដល់ខែដែលកូនសិស្សចូលរៀនហើយ ៕
មតិយោបល់