ភ្នំពេញ៖ វាមិនមែនជារឿងថ្មីនោះទេ ដែលសៀមតែងតែ អះអាងថា ខ្មែរ បានលួចវប្បធម៌ និងអរិយធម៌របស់ពួកគេ ប្រាប់ទៅកាន់ពិភពលោក ។ កន្លងមក កាលពីឆ្នាំ ២០០៣ តារាថៃនាង Suvanant Kongying ដែលខ្មែរហៅថានាង ផ្កាយព្រឹក បានអះអាងថា កម្ពុជាបានលួចប្រាសាទអង្គរវត្ត ពីប្រទេសថៃ ។ ជាមួយនឹងពាក្យសម្តីនាង ផ្កាយព្រឹកនេះ បានធ្វើឲ្យប្រជាពលរដ្ឋខ្មែរ ជាច្រើនខឹងសម្បារ ឈានដល់ថ្នាក់ដុតទូតថៃ ធ្វើឲ្យរដ្ឋាភិបាលកម្ពុជាល្វីងមុខ សងដល់ថៃ ជាច្រើនរយលាន។
រឿងចាស់ លើដំបៅចាស់ ចាប់ផ្តើមងាកមកវិញ ទៀតហើយ ដោយសារតែអ្នកលេងហ្វេសប៊ុករបស់ថៃ បាន Comments នៅលើម្ចាស់គណនី ឈ្មោះ mirandakerr ដែលត្រូវបានគេស្គាល់ថា ជាតារាម៉ូដែល Victoria Secret ដ៏ល្បីល្បាញបំផុត លើពិភពលោក បង្ហោះរូបភាព ជាមួយនឹង អ្នករាំរបាំរបស់ថៃ ដោយភ្ជាប់មកជាមួយនឹងសំណេរ Beautifull traditional Thai dancer ដែលប្រែជាខ្មែរថា អ្នករាំរបាំងប្រពៃណីថៃដ៏ស្រស់សោភា ។ ជាមួយនឹងគ្នានេះដែរ ម្ចាស់គណនីឈ្មោះ yok _cody បាន Comments ដូចដែលបង្ហាញខាងក្រោម ដោយមានបង្កប់អត្ថន័យយ៉ាងជ្រៅដៀមដាមដល់កម្ពុជា ថាជាចោរ ដោយនាងបានអះអាថា មិនចាំបាច់ប្រាប់ក៏ដឹងដែរថា មនុស្សនៅលើពិភពលោកនេះ ដឹងថាវាមានប្រភពពីថៃ អ្នកគួរតែងាកទៅសិក្សា ប្រវត្តិសាស្ត្រប្រទេសរបស់អ្នក ហើយសូមគិត ហើយនេះជាហេតុផល ដែលខ្ញុំ មិនចូលចិត្តកម្ពុជា ព្រោះមនុស្ស នៅទីនោះមានទំលាប់ដូចអ្នក ហើយមានច្រើនទៀតផង ។ ខណៈដែលម្ចាស់គណនីផ្សេងៗនៅថៃ សរសេរអះអាងថា យើងគឺមកពីថៃ ហើយយើងមិនដែលលួច អ្វីៗគ្រប់យ៉ាងពីប្រទេសដទៃឡើយ សូមងាកទៅបើកប្រវត្តិសាស្ត្រមើល នេះជាសម្លៀកបំពាក់ប្រពៃណីរបស់ថៃ។
ជាមួយនឹង Comments ទាំងនេះបានធ្វើឲ្យពលរដ្ឋខ្មែរ ដែលជាអ្នកលេងបណ្តាញសង្គមហ្វេសប៊ុក ផ្ទុះកំហឹងយ៉ាងខ្លាំង ចំពោះអ្នកលេងហ្វេសប៊ុកថៃ ទាំងនោះ ដែលមិនបានសិក្សាពីប្រវត្តិសាស្ត្រខ្លួនឲ្យដិតដល់ ។
រឿងដូចគ្នានេះដែរ កន្លងមក សិល្បៈករផ្នែកបុរាណម្នាក់ បានឲ្យដឹងថា “លោកតែងតែចេញទៅសម្តែងនៅក្រៅប្រទេស ដោយការចេញសម្តែងនោះ ពាំនាំរបាំងបុរាណខ្មែរជាច្រើន ចាស់ និងថ្មី ធ្វើយ៉ាងណាផ្សព្វផ្សាយវប្បធម៌ និង អរិយធម៌ ដ៏ចំណាស់របស់ខ្លួនទៅកាន់ពិភពលោក។ ក៏ប៉ុន្តែមានប្រទេសជាច្រើណាស់ដែលគេកំពុងយល់ច្រឡំ ដោយនិយាយមករកខ្លួនថា ខ្ញុំពិតជាស្គាល់អរិយធម៌អ្នកខ្លាំងណាស់ ដែលជាអរិយធម៌ និងសិល្បៈចម្លងពីថៃ ត្រង់សម្តីមួយឃ្លានេះ បានធ្វើឲ្យលោកវិលមុខឈឹងតែម្តង ហើយព្យាយាមពន្យល់ទៅពួកគេវិញ ទាក់ទងនឹងដើមកំណើតខ្មែរ កើតមុនថៃ ដោយមានប្រាង្គប្រាសាទ ជាសំអាង ទើបពួកគេយល់លែងគិតខុសដូចមុន ដោយនិយាយបកមកយើងវិញថា ពូកគេយល់ខុសយូរហើយ ដោយសារតែកន្លងមកនៅពេលដែលថៃ មកសម្តែងពួកគេតែងតែថា ខ្មែរជាអ្នកលួចសិល្បៈ និងវប្បធម៌ ទើបជឿតែម្តងទៅ តែពេលនេះភ្លឺភ្នែក ។ សិល្បៈករសូមមិនបញ្ចេញឈ្មោះខាងលើ បានប្រាប់បន្តថា រាល់ការសម្តែងធំនៅតំបន់អាស៊ី ឬបណ្តាប្រទេសអឺរ៉ុបផ្សេងៗទៀត ឲ្យតែឭថាខ្មែរ ទៅចូលរួមដែរ ខាងថៃ បានបដិសេធ មិនទៅសម្តែងនោះទេ ព្រោះខ្លាចភូតគេមិនបានសម្រេច ថា ខ្មែរលួចវប្បធម៌ពូកគេ “ ។
តើនេះជាកំហុសនរណា ?
មតិយោបល់