កូរ៉េខាងជើងនៅថ្ងៃទី២១ ខែតុលា បានគំរាមកំហែងថានឹងតបតដោយគ្មាន រអាណិតអាសូរទៅលើកូរ៉េខាងត្បូង ក្រោយពេលកម្លាំងទាហានប្រទេសទាំង ២បានប៉ះទង្គិចនៅតំបន់ព្រំដែន ។
តាមប្រភពព័ត៌មានពីក្រសួងការពារ ជាតិកូរ៉េខាងត្បូងបានឱ្យដឹងថា កូរ៉េខាង ជើងបានព្រមានខាងលើ តាមបណ្ដាញ ទំនាក់ទំនងទាន់ហេតុការណ៍របស់ប្រទេស ទាំង២ ដោយក្នុងនោះ មានការវាយ ប្រហារតបតទៅលើកូរ៉េខាងត្បូង ។ កូរ៉េ ខាងជើងបានប្រកាសបន្ដយាមល្បាតនៅ តាមបណ្ដោយព្រំដែនជាប់កូរ៉េខាងត្បូង។
អ្នកនាំពាក្យក្រសួងការពារជាតិកូរ៉េ ខាងត្បូងលោក Kim Min Seok បាន បញ្ជាក់ថា ភាគីកូរ៉េខាងត្បូងបានព្រមាន ដល់កូរ៉េខាងជើងពីសកម្មភាពឌឺដងដោយ ធ្វើការយាមល្បាតនៅតំបន់សព្រំដែន ប្រទេសទាំង២ ជាសកម្មភាពគំរាម កំហែងដល់សន្ដិសុខក្នុងតំបន់ ។
កូរ៉េខាងត្បូងនិងខាងជើងបានប៉ះទង្គិច គ្នាដោយអាវុធធុនធ្ងន់នៅលើដីគោកស្ថិត នៅក្នុងតំបន់សព្រំដែនប្រទេសទាំងពីរ កាលពីរសៀលថ្ងៃទី១៩ ខែតុលា ។ ហេតុការណ៍ប៉ះទង្គិចគ្នាកើតឡើងនៅ វេលាម៉ោង១៧និង៤០នាទីម៉ោងនៅក្នុង តំបន់ពេលនោះ ភាគីកូរ៉េខាងត្បូងបាន បាញ់ព្រមានដល់ក្រុមទាហានកូរ៉េខាង ជើងដែលចូលមកកៀកព្រំដែនស្ថិតនៅក្នុងទីក្រុង Paju ខេត្ដGyeonggi ។
មុនពេលផ្ទុះអាវុធភាគីកូរ៉េខាងត្បូង បានផ្ដល់ព័ត៌មានព្រមានជាមុនដល់ ក្រុមទាហានកូរ៉េខាងជើង ប៉ុន្ដែទាហាន ទាំងនោះមិនព្រមដកថយវិញឡើយ ទើបមានការបាញ់ព្រមានបែបនេះ។ មេបញ្ជាការកងទ័ពជើងគោកកូរ៉េខាង ត្បូងបានឱ្យដឹងថា ទាហានកូរ៉េខាងជើង បានបាញ់តបតវិញភ្លាមៗចូលទៅក្បែរ ទីតាំងយោធាត្រួតពិនិត្យនៅតាមព្រំដែន របស់កូរ៉េខាងត្បូង។
ការប៉ះទង្គិចគ្នាដោយអាវុធអូស បន្លាយរយៈពេលជាង១០នាទី ប៉ុន្ដែស្ថាន ភាពមិនបង្កឱ្យតានតឹងខ្លាំងឡើងនៅ ឡើយ។ មន្ដ្រីក្រសួងការពារជាតិកូរ៉េ ខាងត្បូងមួយរូបបានឱ្យដឹងថា ភាគីទាំង សងខាងគ្មានអ្នកណារងរបួស ក៏ដូចជា ខូចខាតទ្រព្យសម្បត្ដិនោះឡើយ ។
នេះជាករណីប៉ះទង្គិចគ្នាថ្មីបំផុតរវាង កូរ៉េទាំងពីរកាលពីថ្ងៃទី១៨ ខែតុលា កូរ៉េខាងត្បូងក៏បានបាញ់ព្រមានដល់ក្រុម ទាហានកូរ៉េខាងជើងកុំឱ្យចូលទៅកៀក តំបន់ព្រំដែន ប៉ុន្ដែពេលនោះទាហាន កូរ៉េខាងជើងបានដកថយវិញមិនបាន បាញ់តបតនោះឡើយ ។
កាលពីថ្ងៃទី១០ ខែតុលា ទាហាន ប្រទេសទាំងពីរ ក៏បានប្រើប្រាស់កាំភ្លើង យន្ដបាញ់គ្នាទៅវិញទៅមក ពេលដែល ទាហានកូរ៉េខាងជើងបានបាញ់បំបែក បើតប៉ោងហោះនាំខិត្ដប័ណ្ណចូលទៅកាន់ ទឹកដីកូរ៉េខាងជើងនៅតំបន់Yeoncheon។ បើទោះមានការបាញ់បំផ្លាញពីភាគី កូរ៉េខាងជើង តែក្រុមសកម្មជនកូរ៉េខាង ត្បូងមានគម្រោងបង្ហោះបើតប៉ោងហោះនាំខិត្ដប័ណ្ណ៥ម៉ឺនទៀតទៅកាន់កូរ៉េខាង ជើងនៅថ្ងៃទី២៥ ខែតុលា ។
ការបង្ហោះខិត្ដប័ណ្ណពីក្រុមសកម្មជន កូរ៉េខាងត្បូងតែងតែទទួលរងការរិះគន់ យ៉ាងខ្លាំងពីកូរ៉េខាងជើង ដោយសារតែ សកម្មភាពទាំងនោះបានបំផុសបំផុល ពលរដ្ឋនៅតំបន់ព្រំដែនមានសកម្មភាព ប្រឆាំងនឹងរដ្ឋាភិបាលទីក្រុងព្យុងយ៉ាង ជាសកម្មភាពបំពានលើអធិបតេយ្យ ភាពប្រទេសជិតខាង ។
នៅថ្ងៃទី១៩ ខែតុលា មេដឹកនាំកូរ៉េ ខាងជើង លោកគីម ជុងអ៊ុនបានទៅត្រួត ពិនិត្យពិធីហ្វឹកហ្វឺនកម្លាំងទាហានអាកាស នៅកងពលលេខ១០១៧និង៤៥៨ដោយ មានការហោះហើរនិងចុះចតឧទ្ធម្ភាគ ចក្រចម្បាំងផងដែរ។ មេដឹកនាំគីម ជុងអ៊ុនបានធ្វើដំណើរជាមួយមន្ដ្រីជាន់ ខ្ពស់ពីររូប គឺនាយសេនាធិការរង លោក Hwang Pyong So និង Choe Ryong Hae អនុប្រធានបក្សពលករកូរ៉េខាងជើង រួមជាមួយមន្ដ្រីជាន់ខ្ពស់ជាច្រើនរូបទៀត។
មេដឹកនាំគីម ជុងអ៊ុន បានសរសើរ ដល់បច្ចេកទេសបើកយន្ដហោះរបស់ កម្លាំងទាហានអាកាស និងជំរុញឱ្យហ្វឹក ហ្វឺនថែមទៀតទាំងស្មារតី និងយុទ្ធសាស្ដ្រ ក្នុងការធ្វើសង្គ្រាម៕
ព័ត៌មានជាតិ
មតិយោបល់