ភ្នំពេញ៖ ប៉ុន្មានថ្ងៃមកនេះ មានវីដេអូវិភាគ លើ តារាចម្រៀង ព្រាប សុវត្ថិ ដោយយកទៅធៀបនឹង ម្ចាស់មេដាយមាស សន សៀវម៉ី ដោយចោទជាសំនួរថា តើមួយណា ជាអ្នកតំណាងជាតិ ពិតប្រាកដនោះ ?
បន្ទាប់ពី សន សៀវម៉ី ទទួលបានមេដាយមាស តៃខ្វាន់ដូ Incheon Asian Game 2014 នោះ ទទួលបានការចាប់អារម្មណ៍ យ៉ាងព្រោងព្រាត ដែលធ្វើឲ្យ មានការសរសើរ និងយកកីឡាការិនីរូបនេះ យកទៅធៀប ជាមួយនឹងលោកព្រាប សុវត្ថិ ដើម្បីរីះគន់លើកំពូលតារាចម្រៀងរូបនេះ ទៅវិញ ដែលជាហេតុមួយ ធ្វើឲ្យអ្នកគាំទ្រតារារូបនេះ មានកំហឹងយ៉ាងខ្លាំង ដូចគេយកភ្លើងមកដាក់លើដើមទ្រូង ដោយសួរណែនាំ វែកមុខ អ្នកដែលបង្កើតឃ្លិបវីដេអូនេះ ឡើង ។
ការរិះគន់ចំៗនេះ ដោយដៀលថាលោក សុវត្ថិ ជាតារាចម្រៀងចាស់វស្សា តែមិនអាចធ្វើគំរូដល់ក្មេងសារក្រោយបាន ទទួលការថតស្ពតពាណិជ្ជកម្មស្រាបៀរ ខណៈដែលមិនដឹងថា ស្រាបៀរអង្គរ បានធ្វើឲ្យជះឥទ្ធិពលដល់អាយុជីវិត មនុស្សរាប់រយនាក់ ដែលស្លាប់ដោយគ្រោះថ្នាក់ចរាចរណ៍ ព្រោះតែស្រានេះ ។ នេះបើតាមសម្តី ដែលបាននិយាយនៅក្នុងឃ្លិបវីដេអូនេះ ។ទោះជាយ៉ាងណ យើងត្រូវវីភាគ ឲ្យស៊ីជម្រៅទៅ យើងមិនអាចថា ដូច្នោះទេ អាជីពតារា ជារឿងធម្មតា ទេ ការទទួលថតស្ពត ផ្សេងៗ វាគ្មានអ្វីទៅខុសនោះទេ ការធៀបនេះដែរ វាធ្វើឲ្យប៉ះពាល់យ៉ាងធ្ងន់ធ្ងរចំពោះតារារូបនេះ តែបើយើងហានថា ដូចនោះ គួរតែ ស្តីបន្ទោសទៅលើ ក្រសួងពាក់ព័ទ្ធ ទើបអាចត្រូវជាង បើថ្នាក់លើមិនបើកដៃឲ្យការផ្សាយយ៉ាងហូរហៀរលើស្រា ថ្នាក់ក្រោមមិនហាននោះទេ។
មុខតំណែង ពីរដាច់ដោយឡែកពីគ្នា យើងមិនអាចយកធៀបបានឡើយ សន សៀវម៉ី ជាកីឡាការិនី ហើយតារាចម្រៀង ព្រាប សុវត្ថិ ជាសិល្បៈករ ហើយការផ្សព្វផ្សាយតំណាងជាតិក៏ដាច់ដោយឡែកពីគ្នាដែរ មិនអាចធៀបទៅតាមអ្វីដែលនឹកឃើញនោះទេ ដែលធ្វើឲ្យប៉ះពាល់ដល់វិស័យសិល្បៈ យ៉ាងគំហុក ៕
ទស្សនាឃ្លិបដូចខាងក្រោមនេះ៖
មតិយោបល់