ក្រុមហ៊ុនផ្គត់ផ្គង់គ្រឿងបរិក្ខាទូរគមនាគមន៍ហ្វាំងឡង់ Nokia បានប្រកាសឲ្យដឹងថា ខ្លួនមិនរំពឹងទុកថានឹងត្រឡប់ទីកាន់អាជីវកម្មទូរស័ព្ទចល័តនោះទេ ប៉ុន្តែសម្រាប់ទីផ្សារ Tablet នឹងចាប់ផ្ដើមវាយលុកវិញនៅឆ្នាំក្រោយ ជាមួយនឹងស្លាកសញ្ញា Nokia។
លោក Sebastian Nystroem ប្រធានផ្នែកផលិតផលរបស់ Nokia បានឲ្យដឹងថា N1 Android tablet នឹងជួយឲ្យក្រុមហ៊ុន Nokia រីករាយឡើងវិញ សម្រាប់ទីផ្សារ Tablet។ Tablet ថ្មីនេះ នឹងត្រូវផ្គត់ផ្គង់ដោយក្រុមហ៊ុនតៃវ៉ាន់ Foxconn ដែលជាអ្នកផ្គត់ផ្គង់ធំរបស់ Apple ហើយវានឹងត្រូវដាក់លក់នៅក្នុងប្រទេសចិនក្នុងឆ្នាំ ២០១៥ ជាមួយនឹងតម្លៃ ២៤៩ដុល្លារអាមេរិកក្នុងមួយគ្រឿង។
គួរបញ្ជាក់ផងដែរថា ក្រុមហ៊ុន Nokia បានគ្រប់ដណ្ដប់ទីផ្សារទូរស័ព្ទចល័ត ប៉ុន្តែក្រោយពេលដែល Apple ចាប់ផ្ដើមបង្ហាញ iPhone នៅឆ្នាំ ២០០៧ ប្រជាប្រិយភាព Nokia ក៏បានធ្លាក់ចុះ ប៉ុន្តែសម្រាប់ស្លាកសញ្ញា Nokia នៅតែល្បីដដែល៕
មតិយោបល់