នាយករដ្ឋមន្ដ្រីថៃ លោកប្រាយុទ្ធ ចាន់អូចា ដែលជាអ្នកដឹកនាំធ្វើរដ្ឋប្រហារ ហើយឡើងកាន់តំណែងជានាយករដ្ឋមន្ដ្រី បាននិយាយទៅកាន់ក្រុមអ្នកសារព័ត៌មាន ថា “លោកស្រីយីងឡាក់ បើចង់និយាយ អ្វីនៅក្នុងផ្ទះនិយាយឱ្យឆ្អែតទៅ កុំនិយាយ នៅចំពោះមុខមហាជន អាចជំរុញឱ្យ មានការក្រោកឈរឡើងប្រឆាំងរដ្ឋាភិ បាល។ លោកស្រីយីងឡាក់ត្រូវតែប្រយ័ត្ន សម្ដីរបស់ខ្លួន ។លោកប្រាយុទ្ធ ចាន់អូចា កាលពីថ្ងៃ ទី២៦ ខែវិច្ឆិកា បានប្រកាសហាមប្រាម ប្រជាពលរដ្ឋថៃគ្រប់រូបមិនត្រូវនិយាយ អំពីនយោបាយ បើទោះបីជានៅទីកន្លែង ណាក៏ដោយ រួមទាំងនៅក្រៅប្រទេសផង ដែរ ។ រដ្ឋាភិបាលថៃព្រួយបារម្ភពីការ បំផុសបំផុលជំរុញឱ្យមានការប្រឆាំងរដ្ឋា ភិបាលយោធាបង្កភាពចលាចលក្នុង សង្គម ។ រដ្ឋាភិបាលយោធាបានប្រកាស ថា កំពុងតែខិតខំរៀបចំប្រទេសជាតិឱ្យ មានស្ថិរភាពនយោបាយឡើងវិញ មុន ពេលផ្ដល់អំណាចទៅឱ្យប្រជារាស្ដ្រ ។
សារព័ត៌មានបាងកកប៉ុស្ដិ៍បានផ្សព្វ ផ្សាយថា នាយករដ្ឋមន្ដ្រី ប្រាយុទ្ធ ចាន់អូចា នឹងហាមប្រាមលោកស្រីយីង ឡាក់ ចេញទៅក្រៅប្រទេស ដោយសារ តែការប្រកាសរបស់លោកស្រីនាពេល កន្លងមក ។ លោកប្រាយុទ្ធ ចាន់អូចា ក៏ បានគំរាមថា នឹងដាក់ទណ្ឌកម្មដល់លោក ស្រីយីងឡាក់ មិនអនុញ្ញាតឱ្យលោកស្រី បញ្ជូនលុយទៅក្រៅប្រទេស ប្រសិនបើ ការប្រកាសរបស់លោកស្រីអាចប៉ះពាល់ ផ្ដល់ផលអាក្រក់ដល់នយោបាយបច្ចុប្បន្ន។
ចាប់តាំងពីរដ្ឋប្រហារ លោកស្រីយីង ឡាក់ ត្រូវបានកម្លាំងយោធាកាន់អំណាច អនុញ្ញាតឱ្យចេញទៅក្រៅប្រទេស២លើក មកហើយ ១លើកទៅកាន់ទីក្រុងប៉ារីស និង១លើកទៀតទៅកាន់ប្រទេសជប៉ុននិង ចិន ។ លោកស្រីបានជួបលោកថាក់ស៊ីន ដែលជាបងប្រុសរបស់ខ្លួន ប៉ុន្ដែលោក ស្រីមិនបាននិយាយទៅកាន់មហាជននោះ ឡើយពាក់ព័ន្ធនឹងការធ្វើរដ្ឋប្រហារ ។
កន្លងមកថ្មីៗលោកស្រីយីងឡាក់បាន និយាយទៅកាន់មហាជនថា លោកស្រី បានដឹងជាមុនហើយ ថាលោកស្រីប្រាកដ ជាទទួលរងការធ្វើរដ្ឋប្រហារដូចជាបង ប្រុស ថាក់ ស៊ីន អីចឹងដែរ នៅពេល ដែលលោកស្រីបានឡើងកាន់តំណែងជា នាយករដ្ឋមន្ដ្រីនៅខែសីហា ឆ្នាំ២០១២ ។ លោកស្រីបានបញ្ជាក់ថា ប្រសិនបើមិន ត្រូវបានស្ថាបនឯករាជ្យដកលោកស្រីពី តំណែងនយោបាយទេនោះ ក៏ត្រូវយោធា ធ្វើរដ្ឋប្រហារដែរ ។
ការប្រកាសទាំងនោះរបស់លោកស្រី យីងឡាក់ បានធ្វើឱ្យនាយករដ្ឋមន្ដ្រី ប្រាយុទ្ធ ចាន់អូចា ខឹងសម្បាយ៉ាងខ្លាំង ដោយលោកគឺជាបុគ្គលបានចូលរួមក្នុង រដ្ឋប្រហារទម្លាក់លោកថាក់ ស៊ីន ហើយ ពេលនេះបានទម្លាក់ទាំងប្អូនស្រីថែម ទៀត ។
នៅពេលដែលសួរអំពីការប្រកាស របស់លោកស្រីយីងឡាក់អំពីការចូល ប្រឡូកក្នុងឆាកនយោបាយនៅពេលបោះ ឆ្នោតខាងមុខ លោកប្រាយុទ្ធ ចាន់អូចា បញ្ជាក់ថា ទាំងនោះជាសិទ្ធិរបស់លោក ស្រីយីងឡាក់ ចង់បន្ដនយោបាយឬអត់។ ប៉ុន្ដែត្រូវតែសួរដល់គណៈកម្មការរៀបចំ ការបោះឆ្នោតថាតើលោកស្រីមាន លក្ខណៈគ្រប់គ្រាន់ចូលរួមបោះឆ្នោតនា ពេលខាងមុខទៀតដែរឬទេ ។ និយាយ ដល់រឿងនេះ លោកប្រាយុទ្ធ ចាន់អូចា ក៏បានបញ្ឆិតបញ្ឆៀងថាលោកស្រីយីង ឡាក់ អាចត្រូវបានហាមប្រាមប្រឡូក ក្នុងឆាកនយោបាយយ៉ាងតិច៥ឆ្នាំ ប្រសិនបើគេរកឃើញកំហុស លោកស្រី នោះ៕
មតិយោបល់