ក្រុងប៉ោយប៉ែត៖ទីទួលសុវត្ថិភាព ដែលធ្លាប់ ដាក់ប្រជាពលពរដ្ឋរងគ្រោះដោយសាទឹកជំនន់ ឥឡូវនេះ គេគ្រោងយកទីតាំងខាងលើ ធ្វើជាកន្លែងត្រួតពិនិត្យទំនិញ របស់មន្ត្រីគយរដ្ឋាករ នាពេលដ៏ខ្លីខាងមុខនេះ ឯប្រជាពលរដ្ឋជាច្រើន កំពុងព្រួយបារម្ភណ៏ថា បើសិនជាមានទឹកជំនន់លិចលំនៅដ្ឋានរបស់ពួកគាត់ សម្រាប់ឆ្នាំទៅមុខទៀតនោះ តើអោយពួកគាត់ភៀសខ្លួនទៅនៅឯណា។
សូមបញ្ជាក់ដែរថា ទីតាំងខាងលើនោះ ដើមឡើយគឺជា ផ្សាររ៉ាចាស់ ស្ថិតនៅក្នុងភូមិសង្កាត់ក្រុងប៉ោយប៉ែត ខេត្តបន្ទាយមានជ័យ ខាងត្បូងផ្លូវជាតិលេខ៥ចម្ងាយ១០ម៉ែត្រប៉ុណ្ណោះ ក្រោយមកក៏មានការអោយរុះរើផ្សារ៉ាចាស់ ចេញដើម្បីកសាងផ្លូវរថយន្តភ្លើង ក្រោយមកក្រុមហ៊ុនអានកូ បានសម្រេចនិងឯកភាពជាមួយនិងអាជ្ញាធរមូលដ្ឋានយករោងអគារផ្សារចាស់ ជូនទៅអាជ្ញាធរក្រុង សម្រាប់ធ្វើទីទួលសុវត្ថិភាពជូនពលរដ្ឋដែលងាយរងគ្រោះដោយទឹកជំនន់ ជ្រកនៅជាបណ្តោះអាសន្ន កន្លងទៅនោះ ។
តាមសេចក្តីរាយការណ៏ ពីលោកប្រធានស្នាក់ការគយរដ្ឋាករច្រកទ្វារអន្តរជាតិប៉ោយប៉ែត បានអោយដឹងថា ក្នុងចន្លោះចាប់ពីថ្ងៃទី១២ខែធ្នូ តទៅ គឺលោកបានឯកភាពជាមួយនិងអាជ្ញាធរក្រុងខេត្ត យកទីតាំងខាងលើនោះ សម្រាប់ត្រួតពិនិត្យទំនិញគេចពន្ធ
និងបទល្មើសផ្សេងៗ នៅលើរទេះអូស នាពេលដ៏ខ្លីខាងមុខនេះ សេចក្តីរាយការណ៏ដដែលពីមន្ត្រីគយក៏បានបន្តទៀតថា ការដែលធ្វើបែបនេះគឺមន្ត្រីជំនាញ ទាំងកាំកុងត្រូល ទាំងគយរដ្ឋាករ និងគណះកម្មការចម្រុះជាច្រើនទៀត ងាយស្រូលចូលរួមត្រួតពិនិត្យរួមគ្នា ដើម្បីកាត់បន្ថយអោយបាន លើករណីគេចពន្ធ និងការនាំចូលនៅទំនិញខូចគុណភាពជាច្រើន បានស្រួលទៀតផង ព្រោះកន្លងទៅ ការត្រួតពិនិត្យនៅឯច្រកទ្វារក្រោមប្រាសាទកំពូល៣នោះ ហាក់ដូចជាមានការឆកល្វែង មួយចំនួនតូចផងដែរ ត្រង់ថា មានឈ្មួញខ្លះបានអូសរទេះដែលមានទំនីញនោះ វាងចេញពីកន្លែងត្រូតពិនិត្យ ឥឡូវនេះយើងមានវិធានការថ្មីគឺចាប់ផ្តើមអនុវត្ត ត្រួតពិនិត្យទំនិញលើរទេះនាពេលដ៏ខ្លីខាងមុខនេះហើយ គ្មានជនណាមួយអាចថា គេចវេសពីការត្រួតពិនិត្យនេះបានទេ ព្រោះគម្រោងទំនិញដែលអូសចេញពីថៃ មកដល់ច្រកទ្វារខ្មែរគឺមានសម្ថកិច្ចចម្រុះហៅអោយចូលមកកន្លែងត្រួតពិនិត្យថ្មី តែម្តង ដោយឡែកមហាជនជាច្រើន ជាពិសេសគឺពលរដ្ឋងាយរងគ្រោះដោយទឹកជំនន់ កំពុងនាំគ្នាងើងឆ្ងល់ថា បើថ្នាក់លើនាំគ្នាយកទីទួលសុវត្ថិភាព ទៅធ្វើជាកន្លែងត្រួតពិនិត្យទំនិញវិញនោះ តើអោយពួកគាត់ទៅរស់នៅឯណា បើសិនជាមានទឹកជំនន់វាយលុកក្នុងលំនៅដ្ឋានពួកគាត់នោះ៕
មតិយោបល់