រដ្ឋាភិបាលក្រុងប៉េកាំងបានព្រមាន ដល់រដ្ឋាភិបាលអង់គ្លេសថា ការដែល បន្ដទាមទារឱ្យគណៈប្រតិភូតំណាងរាស្ដ្រ អង់គ្លេសមកកោះហុងកុងមិនខុសអ្វីពី ការជ្រៀតជ្រែកចូលក្នុងវិបត្ដិដែលកំពុង តែកើតឡើងនៅកោះនេះនោះឡើយ ។
ក្រោយពេលនាយករដ្ឋមន្ដ្រីអង់គ្លេស លោកដេវីដ កាមរ៉ុន បានចាត់ទុកការ សម្រេចមិនផ្ដល់ទិដ្ឋាការឱ្យគណៈកម្មាធិ ការកិច្ចការបរទេសអង់គ្លេសចូលទៅ កាន់កោះហុងកុងជារឿងខុសឆ្គងយ៉ាង ខ្លាំងរបស់ចិន ។ អ្នកនាំពាក្យក្រសួងការ បរទេសចិន ក៏បានបញ្ជាក់ថា ការខិតខំ របស់អង់គ្លេសក្នុងការបញ្ជូនមន្ដ្រីមក កាន់ទីនេះជារឿងឥតន័យ ឥតប្រយោជន៍ ដោយបានចាត់ទុកថា បណ្ដាតំណាងរាស្ដ្រ របស់អង់គ្លេសចូលមកប្រទេសចិន មិន មែនមកបំពេញទស្សនកិច្ច មិត្ដភាព ឡើយ គោលដៅចង់មកស្រាវជ្រាវពី វិបត្ដិដែលកំពុងកើតឡើង។ ចិនមិនត្រូវ ការអ្នកនយោបាយបរទេសមកស្រាវ ជ្រាវនៅលើទឹកដីរបស់ចិននោះឡើយ ។ អង់គ្លេសត្រូវតែគោរពសិទ្ធិសេរីភាព របស់គ្នាទៅវិញទៅមក មិនត្រូវជ្រៀត ជ្រែកកិច្ចការផ្ទៃក្នុងរបស់ចិនឡើយ ។
ប្រព័ន្ធផ្សព្វផ្សាយនានាក៏បានលើក ឡើងពីគម្រោងបញ្ជូនតំណាងរាស្ដ្រអង់ គ្លេសមកកាន់កោះហុងកុង ជាអតីត អាណានិគមន៍អង់គ្លេសនោះដើម្បីស្រាវ ជ្រាវការវិវឌ្ឍរបស់ចិននៅលើកោះហុង កុង ។
ស្ថានភាពកោះហុងកុងកាន់តែតាន តឹងខ្លាំងឡើងក្នុងពេលដែលក្រុមនិស្សិត មិនព្រមចុះចាញ់ ហើយបន្ដទាមទារនូវ អ្វីដែលខ្លួនចង់បាន គឺការបោះឆ្នោត ប្រកបដោយប្រជាធិបតេយ្យ ជ្រើសរើស មេដឹកនាំដែលខ្លួនស្រឡាញ់ពេញចិត្ដ ។ ប៉ុន្មានថ្ងៃកន្លងមក អំពើហិង្សាកើតឡើង ឥតឈប់ឈររវាងប៉ូលិស នឹងក្រុមបាតុករ ហើយបាតុករជាច្រើនក៏ត្រូវចាប់ខ្លួន ៕
ព័ត៌មានជាតិ
មតិយោបល់