អ្នកបើកបរតាក់ស៊ីឈ្មោះ កូម៉ាយ៉ា ដាវ អាយុ៣២ឆ្នាំ ត្រូវបានចាប់ខ្លួននៅទី ក្រុងម៉ាធូរ៉ា រដ្ឋអ៊ុយត្រាប្រាដេស ប្រទេស ឥណ្ឌាដោយរងការចោទប្រកាន់ពីបទ រំលោភផ្លូវភេទអ្នកដំណើរស្រីកាលពី យប់ថ្ងៃទី៨ ខែធ្នូ ឆ្នាំ២០១៤ ។
ជនរងគ្រោះអាយុ២៧ឆ្នាំ ធ្វើការនៅ ក្នុងស្ថាប័នហិរញ្ញវត្ថុមួយនៅទីក្រុងញូវ ដេលី នាងបានទូរស័ព្ទហៅតាក់ស៊ីនៅ តំបន់ហ្គូហ្គាអន ជិតទីក្រុងញូវដេលី ក្រោយពីទទួលទានអាហារពេលយប់ជា មួយមិត្ដភក្ដិនៅវេលាម៉ោង១៩ ម៉ោង នៅក្នុងតំបន់ ។
នៅពេលដែលនាងឡើងទៅលើរថ យន្ដតាក់ស៊ី នាងក៏បានដេកលង់លក់ ហើយពេលភ្ញាក់ឡើង ក៏ស្រាប់ឃើញ ចតនៅតំបន់ស្ងាត់ដាច់ស្រយាល់ ។ អ្នក បើកបរបានចាក់សោរទ្វាររថយន្ដហើយ ចាប់នាងរំលោភ ។ ក្រោយមក អ្នកបើក បរតាក់ស៊ីនាំនាងទៅទម្លាក់ចោលជិត ផ្ទះមួយភាគខាងជើងញូវដេលី ។ អ្នក បើកបរតាក់ស៊ីបានគំរាមនាងថា នឹង សម្លាប់ចោល ប្រសិនបើហ៊ានយករឿង នេះទៅនិយាយប្រាប់អ្នកណាម្នាក់នោះ ។
ក្រោយចុះពីរថយន្ដ ស្ដ្រីរងគ្រោះក៏ បានយកទូរស័ព្ទថតស្លាកលេខតាក់ស៊ី ដែលនាងជិះបានទាន់ពេល ហើយប្ដឹង ប៉ូលិសភ្លាមៗនោះ ។ តំណាងក្រុមហ៊ុន តាក់ស៊ី អ៊ុយប៊ើ បានបញ្ជាក់ថា នេះជា បទល្មើសយ៉ាងធំធេង ហើយយើងកំពុង តែសហការជាមួយប៉ូលិសក្នុងការ
ស្រាវជ្រាវ ។
ក្រុមហ៊ុនតាក់ស៊ីអ៊ុយប៊ើ មានភ្ជាប់ ប្រព័ន្ធពិសេសមួយសម្រាប់ទាំងអ្នកធ្វើ ដំណើរ ក៏ដូចជាអ្នកបើកបរបានបង្ហាញ អត្ដសញ្ញាណនៅលើកញ្ចក់ទូរទស្សន៍ ដើម្បីឱ្យអ្នកធ្វើដំណើរមានអារម្មណ៍ សុវត្ថិភាព ។ ប៉ុន្ដែនៅក្នុងករណីនេះ អ្នក បើកបរបានប្រើប្រាស់ឈ្មោះក្លែងបន្លំ ហើយថែមទាំងបិទប្រព័ន្ធទំនាក់ទំនងកុំឱ្យ គេដឹងថា រថយន្ដរបស់គេបើកទៅទីណា ក្នុងពេលដែលអ្នកដំណើរដេកលក់មិន ចាប់អារម្មណ៍៕
ព័ត៌មានជាតិ
មតិយោបល់