នៅថ្ងៃសុក្រទី ២៦ខែធ្នូ ឆ្នាំ ២០១៤ ម្សិលមិញនេះ ក្រុមហ៊ុន Sony Pictures បានប្រកាសឲ្យដឹងថា ខ្លួនទទួលបានប្រាក់ចំណូល ១លានដុល្លារអាមេរិក ពីការដាក់បញ្ចាំងរឿង The Interview នៅក្នុងថ្ងៃបុណ្យណូអែល។
The Interview ជាសាច់រឿងមួយដែលនិយាយពីបទសម្ភាសន៍ជាមួយនឹងមេដឹកនាំផ្ដាច់ការវ័យក្មេងរបស់កូរ៉េខាងជើង លោក គឹម ជុនអ៊ុន ដែលបានធ្វើឲ្យក្រុម Hacker វាយប្រហារមកដល់ប្រព័ន្ធកុំព្យូទ័ររបស់ក្រុមហ៊ុន Sony Pictures ព្រមទាំងបានគំរាមមិនឲ្យចាក់បញ្ចាំងរឿងនោះទេផង។ ដោយក្រោមមក អាមេរិកបានរកឃើញថា កូរ៉េខាងជើងជាអ្នកនៅពីក្រោយខ្នងនៃការវាយប្រហារ ប៉ុន្តែត្រូវបានកូរ៉េខាងជើងបដិសេធ ព្រមទាំងសុំសហការធ្វើការស៊ើបអង្កេតរឿងនេះជាមួយអាមេរិក តែត្រូវអាមេរិក ច្រានចោល ហើយអ៊ីនធើណែតនៅក្នុងប្រទេសកូរ៉េខាងជើងត្រូវបានកាត់ផ្ដាច់អស់រយៈពេលជិត ១០ម៉ោង៕
Copyright © 2015 All Rights Reserved.
មតិយោបល់