សារព័ត៌មានយ៉ុនហាប់របស់កូរ៉េ ខាងត្បូងបានដកស្រង់សារជូនពរឆ្នាំថ្មី ឆ្នាំ២០១៥ របស់នាយករដ្ឋមន្ដ្រីកូរ៉េខាង ត្បូង លោក Chung Hong Won បាន បញ្ជាក់ថា ទីក្រុងសេអ៊ូលនឹងខិតខំអស់ពី សមត្ថភាពដើម្បីបញ្ចប់ការចងគំនុំ គំគួនជាមួយកូរ៉េខាងជើង និងតភ្ជាប់ ទំនាក់ទំនងឱ្យកាន់តែប្រសើរថែមទៀត។នាយករដ្ឋមន្ដ្រីកូរ៉េខាងត្បូងបាន បញ្ជាក់ថា រដ្ឋាភិបាលទីក្រុងសេអ៊ូលនឹង ធ្វើគ្រប់យ៉ាងដើម្បីជាការបើកផ្លូវឱ្យមាន កិច្ចពិភាក្សាកូរ៉េទាំងពីរដើម្បីសុខសន្ដិ ភាព ស្ថិរភាពរបស់ពលរដ្ឋប្រទេសទាំង ពីរ។
កាលពីថ្ងៃទី១ ខែមករា ឆ្នាំ២០១៥ នៅក្នុងសារជូនពរឆ្នាំថ្មី មេដឹកនាំកូរ៉េ ខាងជើងលោកគីម ជុងអ៊ុន ក៏បានប្រកាស ផងដែរថា លោកបានត្រៀមលក្ខណៈជួប ពិភាក្សាដោយផ្ទាល់ជាមួយកូរ៉េខាងត្បូង លោកស្រី Park Geun-hye នៅដើម ឆ្នាំ២០១៥ ។
មេដឹកនាំកូរ៉េខាងជើងបានបញ្ជាក់ ទៀតថា ចាំបាច់ត្រូវតែមានការផ្លាស់ ប្ដូរជាទ្រង់ទ្រាយធំនៅក្នុងទំនាក់ទំនង ប្រទេសទាំងពីរ ។ ទន្ទឹមនឹងនោះ កូរ៉េខាង ជើងបានបញ្ជាក់ថា កិច្ចពិភាក្សាឧបទ្វីប កូរ៉េទាមទារបរិយាកាស និងលក្ខខណ្ឌ សមស្របដើម្បីឆ្ពោះទៅរកការអភិវឌ្ឍ ទំនាក់ទំនងឱ្យកាន់ប្រសើរនាពេល អនាគត៕
មតិយោបល់