បន្ទាប់ពីអវត្តមាននៅលើទឹកដី​ប្រទេសចិនអស់រយៈពេល ២ឆ្នាំ នៅពេលនេះ Moto X ដែលជាស្មាតហ្វូនរបស់ Motorola បាន​វិលចូល​ទីផ្សារ​មួយនេះវិញ ដើម្បី​សាងកេរ្តិ៍នាមជាថ្មី។

ក្រោយពេលដែលត្រូវបាន Google ទិញ ក្រុមហ៊ុន Motorola បានបាត់មុខពីទីផ្សារប្រទេសចិន ហើយកាលពីឆ្នាំ ២០១៤ កន្លង​ទៅនេះ Lenovo បានប្រកាសទិញ Motorola ពី Google ដើម្បីពង្រីកទីផ្សារស្មាតហ្វូនរបស់ខ្លួន។ Motorola Moto X បំពាក់ប្រតិបត្តិការ​ Android 5.0 បានចាប់ផ្ដើមដាក់លក់នៅលើទឹកដីប្រទេសចិនក្នុងតម្លៃ៦០០ដុល្លារអាមេរិក ដោយ​មាន​អតិថិជន​ជាច្រើនបានបញ្ជាទិញ៕