ក្រុមហ៊ុនយក្សចិន Huawei បានសហការជាមួយក្រុមហ៊ុនផលិត Software យក្សរបស់អាល្លឺម៉ង់ SAP ក្នុងការផ្ដល់ដំណោះស្រាយរួម និងដើម្បីពង្រីកទៅលើវិស័យជំនួយ ដោយជំនួសមកវិញនូវការលក់ Hardware ដូចជា Servers និង Data Storage នេះបើយោងតាមសំដីរបស់លោក Yan Lida ប្រធានក្រុមសហគ្រាសពាណិជ្ជកម្ម របស់ក្រុមហ៊ុន Huawei។
យោងតាមការចុះផ្សាយរបស់ WSJ នៅថ្ងៃនេះ បានឲ្យដឹងថា ការសហការជាមួយនឹងក្រុមហ៊ុន SAP នេះគឺដើម្បីពង្រីកអាជីវកម្មរបស់ Huawei ឲ្យកាន់តែមានសន្ទុះខ្លាំងក្លាថែមទៀតទៅលើការផ្គត់ផ្គង់ Hardware សម្រាប់វិស័យដឹកជញ្ជូន អ៊ីនធើណេត ធនាគារ ប្រពន្ធផ្សព្វផ្សាយ និងរដ្ឋាភិបាល។
គួរបញ្ជាក់ផងដែរថា កាលពីឆ្នាំមុន Huawei រកចំណូលបានជាង ៣ពាន់លានដុល្លារអាមេរិកពីវិស័យសហគ្រាស ហើយរំពឹងថា ឆ្នាំនេះនឹងកើនឡើងលើសមុន ជាពិសេសគឺក្រោយពេលសហការជាមួយ SAP៕
មតិយោបល់