មនុស្ស ១៩នាក់បានស្លាប់ នៅក្នុងហេតុការណ៍បាញប្រហារមួយនៅក្នុងសារមន្ទីរ Bardo ជិតអគាររដ្ឋសភា ក្នុងរដ្ឋធានី នៃប្រទេសទុយនេស៊ី។ នេះបើយោងតាមការចុះផ្សាយរបស់ BBC នៅយប់ថ្ងៃទី១៨ ខែមីនា។
យោងតាមសំដីរបស់លោក Habib Essid នាយករដ្ឋមន្ត្រីទុយនេស៊ី បានឲ្យដឹងថា ក្នុងចំណោមមនុស្ស ១៩នាក់ ដែលបានស្លាប់នោះ មានក្រុមខ្មាន់គាំភ្លើង ២នាក់ និងប៉ូលិសម្នាក់ ចំណែកក្រៅពីនេះគឺជាភ្ញៀវទេសចរណ៍ដែលមកកម្សាន្ត និងទស្សនានៅក្នុងសារមន្ទីរ។
ដើមហេតុនៃការបាញ់ប្រហារនេះ នៅមិនទាន់ដឹងច្បាស់នោះទេ ប៉ុន្តែនៅពេលនេះ ក្រុមប៉ូលិសកំពុងតែធ្វើការស៊ើបអង្កេតយ៉ាងសកម្ម ព្រោះថាភ្ញៀវទេសចរណ៍ដែលស្លាប់ មានមកពីប្រទេសអ៊ីតាលី ប៉ូឡូញ អេស្ប៉ាញ អាល្លឺម៉ង់…៕
មតិយោបល់