ម៉ូស្គូ៖ ប្រទេសរុស្ស៊ី បានបង្ហាញគម្រោងសាងសង់ផ្លូវយក្ស Superhighway ដែលជាធំមានទំហំធំ និងល្បឿនលឿន សម្រាប់​តភ្ជាប់​ពី​តំបន់អឺរ៉ុប មកកាន់តំបន់អាស៊ី ពោលគឺភ្ជាប់ពីទីក្រុងឡុងដ៍ មកកាន់រដ្ឋអាឡាស្កា។ នេះបើយោងតាមកាសែត The Siberian Times ចុះផ្សាយកាលពីម្សិលមិញ។

លោក Vladimir Yakunin ប្រធានក្រុមហ៊ុនដឹកជញ្ជូន Russian Railways បានឲ្យដឹងថា គម្រោងសាងសង់ផ្លូវដ៏អស្ចារ្យនេះ គឺ​ដើម្បីផ្ដល់ប្រយោជន៍រួម ដោយនៅក្នុងនោះមានផ្លូវ​រថភ្លើង ផ្លូវជាតិ មានបំពង់ប្រេង ហ្គាស ប្រព័ន្ធអគ្គីសនី និងទឹក ដែល​គម្រោង​នេះ​គឺជាការផ្ដួចផ្ដើមគំនិតដោយរុស្ស៊ី និងមេដឹកនាំពិភពលោកធំ ដែលត្រូវបានគេឲ្យឈ្មោះថា «តំបន់នៃអនាគត» ប៉ុន្តែមិនបាន​បញ្ជាក់​ថា នឹងចាយអស់ថវិកា​ចំនួនប៉ុន្មាននោះទេ៕