សេអ៊ូល៖ កូរ៉េខាងត្បូង នៅថ្ងៃពុធ ទី២២ ខែមេសា ឆ្នាំ ២០១៥ នេះ បានសម្រេចអនុម័តចំណាយថវិកា ១៣៩លានដុល្លារអាមេរិក ដើម្បីស្រង់សាឡាងដឹកអ្នកដំណើរឈ្មោះ Sewol ដែលបានលិចកាលពីឆ្នាំមុន និងបានសម្លាប់មនុស្សជាង ៣០០នាក់។
យោងតាមការចេញផ្សាយរបស់ BBC បានឲ្យដឹងថា សាឡាង Sewol ដែលលិចនៅសមុទ្រលឿង នឹងត្រូវចាប់ផ្ដើមស្រង់នៅដើមខែកញ្ញាខាងមុខ ដោយអាចនឹងចំណាយពេល ១៨ខែទើបស្រង់រួច ហើយគេរំពឹងថា នឹងអាចរកឃើញសពចំនួន ៩នាក់ ដែលបានបាត់នៅក្នុងហេតុការណ៍លិចសាឡាងនោះ។
គួរបញ្ជាក់ផងដែរថា សាឡាង Sewol បានលិចកាលពីថ្ងៃទី ១៦ ខែមេសា ឆ្នាំ ២០១៤ ដោយបានសម្លាប់មនុស្ស ៣០៤នាក់ និងបាត់ខ្លួន ៩នាក់ ហើយលោក Chung Hong-Won អតីតនាយករដ្ឋមន្ត្រីកូរ៉េខាងត្បូង ក៏បានលាលែងពីតំណែងផងដែរ ព្រោះតែសោធនាកម្មមួយនេះ៕
ព័ត៌មានជាតិ
មតិយោបល់