ក្រចេះ៖ ពលរដ្ឋបួននាក់ តំណាងអោយប្រជាពលរដ្ឋចំនួន៩៩៨គ្រួសារ នៅក្នុងស្រុកឆ្លូងត្រូវបាន តំណាងអយ្យការអមសាលាដំបូងខេត្តក្រចេះ កោះហៅទៅឆ្លើយបំភ្លឺក្នុងករណីទំនាស់ដីធ្លីក្នុងស្រុកឆ្លូង បន្ទាប់ពីក្រុមហ៊ុន (ចាន់សុភា អភិវឌ្ឍន៍)
បានដាក់ពាក្យបណ្តឹងទៅសាលាដំបូងខេត្ត ដោយចោទពីបទរំលោភកាន់កាប់អចលនវត្ថុរបស់អ្នកដ៍ទៃ ដោយអចេតនា ដែលប្រព្រឹត្តនៅក្នុងឃុំកំពង់ដំរី ស្រុកឆ្លូង ខេត្តក្រចេះ កាលពីឆ្នាំ២០១៤កន្លងទៅ ។ យោងតាមដីការកោះហៅ របស់លោក ធុច បញ្ជៈសន្តិភាព ព្រះរាជអាជ្ញារងអមសាលាដំបូងខេត្តក្រចេះ បានធ្វើការកោះហៅពលរដ្ឋចំនួន៤នាក់ រួមមានលោក សៅ វិរៈ ទី២ លោក មើ កៅ ទី៣លោក កៅ សល់ និងទី៤លោក មូល តើត អ្នកទាំង៤ត្រូវបានតំណាងក្រុមហ៊ុន ចាន់ សុភា ប្តឹងដោយចោទពីបទរំលោភកាន់កាប់អចលនវត្ថុរបស់អ្នកដ៍ទៃ ដោយអចេតនា ។ ប្រជាពលរដ្ឋប្រមាណជា២០០នាក់ ក្នុងចំណោមពលរដ្ឋទាំង៩៩៨គ្រួសារដែលស្ថិតនៅក្នុងទំនាស់ដីធ្លី ក្នុងស្រុកឆ្លូងកាលពីព្រឹកថ្ងៃទី២៨ ខែមេសានេះបាននាំគ្នាធ្វើដំណើរទៅសាលាដំបូងខេត្ត ខណះដែលតំណាងរបស់ពួកគាត់ចំនួន៤នាក់ត្រូវបានសាលាដំបូងខេត្ត កោះហៅអោយចូលខ្លួនទៅបំភ្លឺក្នុងករណីខាងលើ ។ បន្ទាប់ពីរាជរដ្ឋាភិបាលបានសម្រេចចេញអនុក្រឹត្យអនុបយោគដីឯកជនរបស់រដ្ឋនូវទំហំដីចំនួន៣.៦៧១ហិកតារ ដែលមានទីតាំងស្ថិតនៅក្នុងឃុំដំរីផុង ស្រុកឆ្លូង ខេត្តក្រចេះ ផ្តល់ឲ្យពលរដ្ឋចំនួន ៩៩៨គ្រួសារ មកពីឃុំចំនួន៤ក្នុងស្រុកឆ្លូង តាំងពីខែមេសា ឆ្នាំ២០១២កន្លងទៅនេះ រហូតមកដល់ពេលនេះពួកគាត់នៅមិនទាន់ទទួលបានដីជាកម្មសិទ្ឋ សម្រាប់សង់លំនៅដ្ឋាន និងបង្ករបង្កើនផលនោះនៅឡើយទេ ។ តំណាងប្រជាពលរដ្ឋម្នាក់ឈ្មោះ មូ តើត បានលើកឡើងថា ប្រជាពលរដ្ឋក្នុងស្រុកឆ្លូងចំនួន៩៩៨គ្រួសារ មកពីឃុំចំនួន៤ បានធ្វើលិខិតស្នើសុំសម្បទានដីសង្គមកិច្ច ដំបូងឡើយស្ថិតនៅចំណុច(បុស្សក្នុង)ឃុំដំរីផុង ស្រុកឆ្លូង សម្រាប់សង់លំនៅដ្ឋាន និងធ្វើកសិកម្មជាលក្ខណះគ្រួសារ តែក្រោយមក អាជ្ញាធរខេត្តក៍បានបង្វែរដោយធ្វើការ ផ្លាស់ប្តូរ អោយពួកគាត់ទៅ ចំណុចរណ្តៅប៉េ២ ដែលស្ថិតក្នុងភូមិប្រម៉ា ឃុំកំពង់ដំរីវីញ ដោយក្រុមកាងារមន្ទីជំនាញសូរិយោដី ចុះទៅពិន្យិមលើ ជាក់ស្តែងផង ។ លោកបានបន្តរថា បន្ទាប់ពីផ្លាស់ប្តូរពួកគាត់ទៅទីតាំងថ្មីក្នុងរយះពេលជិត១ឆ្នាំ ខណះពួកគាត់ចាប់ផ្តើមបង្កបង្កើនផល ស្រាប់តែលេចនូវក្រុមហ៊ុន (ចាន់សុភាអភិវឌ្ឍន៍ ) ចេញមកឃាត់ដោយមិនអនុញ្ញាតិអោយពួកគាត់ដាំឡើយ ។ ជម្លោះដីធ្លីរវាងក្រុមហ៊ុន និងប្រជាពលរដ្ឋខាងលើក៍បានកើតឡើងមិនទាន់បានបញ្ជាប់ នៅឡើយទេ បើទោះបីជា ប្រមុខរាជរដ្ឋាភិបាល សម្តេចតេជោ នាយករដ្ឋមន្ត្រី ហ៊ុនសែន បានផ្តល់អនុសាសន៍ ថ្ងៃទី១៨ ខែសីហារ ឆ្នាំ២០១៤ បានស្នើអោយអាជ្ញាធរខេត្តចុះពិនិត្យមើលជាក់ស្តែងលើទីតាំងខាងលើ ថាបើក្រុមហ៊ុន អនុវត្តបានប៉ុនណា យកប៉ុនហ្នឹង ចំណែកដីដែលនៅសេសសល់ ត្រូវកាត់ចេញហើយដោះស្រាយជូនប្រជាពលរដ្ឋយ៉ាងណាក្តី ក៍រឿងនេះមិនទាន់បាននៅឡើយទេ ដោយភាគីក្រុមហ៊ុននៅបន្តរប្តឹងពលរដ្ឋវីញ ខណះអាជ្ញាធរខេត្តកំពង់ស្វែងរកដំណោះស្រាយជូនពលរដ្ឋខាងលើនេះ ។ចំណែកលោក មើ កៅ តំណាងពលរដ្ឋម្នាក់ដែលសាលាដំបូងខេត្តបានធ្វើការកោះហៅ មកបំភ្លឺ ក្នុងករណីខាងលើនេះ លោកមានប្រសាសន៍ថា ក្រុមហ៊ុន ចាន់សុភា បានប្តឹងពួកគាត់ថា បានរំលោភកាន់កាប់អចលវត្ថុរបស់អ្នកដ៍ទៃដោយអចេតនា ។ លោកបានបញ្ជាក់តាមពិតលោកគោរពតាមអាជ្ញាធរណាស់ ហើយអាជ្ញាធរខេត្តទេដែលបានធ្វើការដោះដូរអោយពួកគាត់ទៅទីតាំងខាងលើ លោកមិនបានរំលោភបំពាននោះទេ ។ ក្នុងនោះលោកក៍បានបញ្ជាក់ថា ប្រជាពលរដ្ឋទាំង៩៩៨គ្រួសារមានច្បាប់គ្រប់គ្រាន់ក្នុងកាស្នើសុំចាប់តាំពីអាជ្ញាធរឃុំស្រុកខេត្ត រហូតមានអនុក្រិត្យរបស់ព្រះមហាក្សត្រថែមទៀតផង៕
ព័ត៌មានជាតិ
មតិយោបល់