សៀមរាប៖ល្បែងស៊ីសងប្រភេទហ្គេមបាញ់ត្រីដែលគេលែងមានកាចាញ់ឈ្នះរហូតដល់រាប់ពាន់ រាប់ម៉ឺនដុល្លា បានកើតឡើងយ៉ាងពេញបន្ទុកនៅក្រុងសៀមរាបយ៉ាងចំហរ ដោយគ្មានសមត្ថកិច្ចនិងអាជ្ញាធរខេត្តក្រុងមានវិធានការទប់ស្កាត់និងបង្ក្រាបនោះឡើយ។បើតាមប្រភពច្បាស់ការពីអ្នកញៀនល្បែងស៊ីសងធ្លាប់ចេញចូលលែងទាំងយប់ទាំងថ្ងៃបានអោយអ្នកយកព័ត៏មានដឹងថា ល្បែងស៊ីសងប្រភេទហ្គេមបាញ់ត្រីនេះមានច្រើនកន្លែងណាស់ ស្ទើពេញក្រុងសៀមរាបហើយបានដំណើរការជាច្រើនឆ្នាំកន្លងមកហើយដោយគ្មានការបង្ក្រាបពីសមត្ថកិច្ចនោះទេ ពីព្រោះថៅកែបើកហ្គេមបាញ់ត្រីគេបានត្រូវរ៉ូវសមត្ថកិច្ចមូលដ្ឋានរហូតដល់ថ្នាក់ខេត្តក្រុងសៀមរាបអស់ហើយ ម្យ៉ាងទៀតថៅកែហ្គេមបាញ់ត្រីនិមួយៗមានអ្នកធំមានអំណាចខ្លាំងកាងពីក្រោយ។ ប្រភពដដែលបានបន្តថា នៅក្នុងទីតាំងល្បែងស៊ីសងហ្គេមបាញ់ត្រីនិមួយៗពោរពេញទៅដោយការជួញដូរនិងប្រើប្រាស់គ្រឿងញៀនយ៉ាងខ្លាំងផងដែរ ជាកស្តែងនៅក្នុងក្លឹបស្នុកឃ័រ B S C និងមួយកន្លែងទៀតក្នុងផ្ទះល្វែងខាងស្តាំដៃផ្លូវចូលទៅក្លឹបកស្សាន្តខារ៉ាអូខេបាក់ខែងពោរពេញទៅដោយក្រុមអ្នកប្រើប្រាស់និងជួញដូរគ្រឿងយ៉ាងច្រើន ហ្គាមបាញ់ត្រីទាំងពីកន្លែងនេះស្ថិតនៅក្នុងសង្កាត់ស្វាយដង្គុំ ក្រុងសៀមរាប ខេត្តសៀមរាប។ ប្រភពច្បាស់ការដដែលបានបញ្ជាក់ទៀតថា ល្បែងស៊ីសងប្រភេទហ្គេមបាញ់ត្រីនេះលែងញៀនមិនព្រមចេញរហូតអ្នកខ្លះអង្គុយលែងទាំងយប់ទាំងថ្ងៃ ចាញ់អស់រាប់ពាន់ រាប់ម៉ឺនដុល្លា និងឈានដល់បញ្ចាំ ម៉ូតូ ឡានទៀតផង។ ប្រភពដដែលបានរៀបរាប់ទៀតថា ល្បែងស៊ីសងហ្គេមបាញ់ត្រីនេះនៅក្នុងកន្លែងនិមួយៗគេប្រើស្រីក្មេងស្អាតជាច្រើននាក់ឈចាំចុចតំឡើងពង់ក្នុងតាបហ្គេមបាញ់ត្រីលក់ជូនភ្ញៀវដែលជាអ្នកលែងតាមតម្រូវការ និងរាប់លុយយកពីភ្ញៀវទុកអោយថៅកែ ព្រោះទីតាំងនិមួយៗគេមានបំពាក់កាមមេរ៉ាវីដេអូ។ ប្រភពបានបញ្ជាក់ទៀតថា នៅក្នុងក្លឹបស្នូកឃ័រ B S C មានទូរហ្គេមចំនួនពីរធំៗ និងមួយកន្លែងទៀតផ្លូវចូលបារបាក់ខែងមានបីទូរដែលក្នុងនោះមួយតាបៗអាចអង្គុយលែងបានដប់នាក់។ ពលរដ្ឋអ្នកសៀមរាបបាននិយាយថា ខេត្តសៀមរាបគឺជាតំបន់ទេសចរណ៏ វប្បធម៏ និងជាទីក្រុងអចរិយះមិនត្រូវសមត្ថកិច្ចនិងអាជ្ញាធរខេត្តនិងក្រុងបណ្តែតបណ្តោយធ្វើមិនដឹងមិនឮបើកឪកាស់អោយកើតមានល្បែងស៊ីសងដូចខាងលើរីកសាយដូចផ្សិតគ្រប់ទិសទីពេញក្រុងសៀមរាប។ពលរដ្ឋបានរិះគន់បន្តថា ការដែលមានល្បែងស៊ីសងច្រើន បណ្តាលអោយមានអំពើឆក់ ប្លន់និងឃាតកម្មកើតឡើងទៅលើពលរដ្ឋស្លូតត្រង់និងភ្ញៀវជាតិនិងអន្តរជាតិដែលគេមកទេសចរណ៏កំសាន្តខេត្តសៀមរាប។ ទាក់ទិនទៅនិងកាបើកល្បែងស៊ីសងហ្គេមបាញ់ត្រីខាងលើ លោក សូវ៉ាន់ ដេត នាយប៉ុស្តិ័រដ្ឋបាលនគរបាលសង្កាត់ស្វាយដង្គុំបានអោយដឹងតាមទូរសព្ទ័ថាគេបើកលែងមានច្បាប់ត្រឹមត្រូវចេញពីក្រសួងប្រៃយ៏សណីនិងទូរគមនាគមន៏ហើសមត្ថកិច្ចរបស់លោកបានធ្វើរបាយការបញ្ជូនទៅថ្នាក់លើរួចរាល់អស់ហើយ។ ដោយឡែក លោក ទិត ណារ៉ុង អធិកានគរបាលក្រុងសៀមរាបបានអោយដឹងតាមទូរសព្ទ័ថា ចំពោះការបើកល្បែងស៊ីសងហ្គេមបាញ់ត្រីទាំងនោះខាងស្នងការបានប្រជុំនិងបានដាក់ការងារនេះអោយខាងព្រហ្មទណ្ឌកំរិតស្រាលចុះធ្វើកំណត់ហេតុដើម្បីធ្វើរបាយការបញ្ជូនទៅគណះបញ្ជារការឯកភាពខេត្តមានចំណាត់ការបង្ក្រាបក្នុងពេលឆាប់ៗនេះ។លោកអធិការបានបន្តថាកាបើកល្បែងស៊ីសងខាងលើគេមានច្បាប់មែនគឺច្បាប់បើអិនធឺណិតមិនមែនច្បាប់បើកលែងល្បែងស៊ីសងនោះទេ។ម្យ៉ាងទៀតថៅកែបើកល្បែងស៊ីសងគេមានខ្នងបង្អែកអ្នកធំនៅពីក្រោយ។គួររំលឹកថាល្បែងស៊ីសងប្រភេទហ្គេមបាញ់ត្រីមានការចាញ់ឈ្នះរហូតរាប់ពាន់រាប់ម៉ឺនដុល្លានិងបានកើតឡើងយ៉ាងច្រើននៅក្នុងសៀមរាបនិងយួឆ្នាំទៀតផងពិសេសថៅកែទីតាំងល្បែងនិមួយៗបានអះអាងថាគាត់បានបង់លុយអោយសមត្ថកិច្ចរាប់មិនអស់ចាប់ពីមូលដ្ឋានរហូតដល់ខេត្តយ៉ាងគាប់ចិត្តទើបដំណើរការលែងបានរហូតទល់ពេលនេះគ្មានការបង្ក្រាប។ពិសេសនៅទីក្រុងភ្នំពេញប្រភេទល្បែងស៊ីសងហ្គេមបាញ់ត្រីកំសមត្ថកិច្ចកំពុងមានវិធានការបង្ក្រាបយ៉ាងក្តៅគគុក។ដោយឡែកសមត្ថកិច្ចនិងអាជ្ញាធរខេត្តសៀមរាបបែជាបណ្តែតបណ្តោយអោយកើតឡើងយ៉ាងពេញបន្ទុកនៅក្នុងក្រុងសៀមរា៕
ព័ត៌មានជាតិ
មតិយោបល់