ទុយនេស៊ី៖ លោក Habib Essid នាយករដ្ឋមន្ត្រីទុយនេស៊ី បានថ្លែងប្រាប់ទូរទស្សន៍ជាតិថា រដ្ឋាភិបាលបានសម្រេចលើគម្រោងក្នុងការសាងសងកំផែងជញ្ជាំងនៅតាមព្រំដែនប្រទេសលីប៊ី ដើម្បីការពារពីការគំរាមកំហែងពីក្រុមសកម្មប្រយុទ្ធជីហាដ។

យោងតាមការចុះផ្សាយរបស់ BBC បានឲ្យដឹងថា កំផែងជញ្ជាំងនោះមានប្រវែង ១៦០គីឡូម៉ែត្រ ដោយនឹងបញ្ចប់ការសាងសងនៅចុងឆ្នាំ ២០១៥ ហើយការប្រកាសនេះត្រូវបានធ្វើឡើងក្រោយពេលមានការវាយប្រកាសមកលើសណ្ឋាគារជាប់មាត់សមុទ្រដែលបណ្ដាលឲ្យមនុស្ស ៣៨នាក់ស្លាប់ និងជាច្រើននាក់ផ្សេងទៀតរងរបួស៕