ការស្ទង់មតិមួយបានបង្ហាញកាលពីថ្ងៃអាទិត្យថា ប្រជាជនកូរ៉េខាងត្បូងប្រមាណជិត ៧០ភាគរយជឿជាក់ថា ការប្រើប្រាស់លិខិតឆ្លងដែនវ៉ាក់សាំងដែលបញ្ជាក់ថាមនុស្សម្នាក់បានចាក់វ៉ាក់សាំងប្រឆាំងនឹងជំងឺកូវីដ១៩ រួចរាល់នឹងជួយដល់វិស័យសេដ្ឋកិច្ច។
ការស្ទង់មតិពីសហព័ន្ធឧស្សាហកម្មកូរ៉េដែលជាក្រុមអ្នកបញ្ចុះបញ្ចូលអាជីវកម្មដ៏ធំមួយនៅទីនេះបានបង្ហាញថា ប្រជាជនចំនួន ៦៧,៤ភាគរយរំពឹងថាការអនុម័តលិខិតឆ្លងដែននឹងមានសារ:សំខាន់ដល់វិស័យសេដ្ឋកិច្ច។
ជាមួយនឹងលិខិតឆ្លងដែននេះ ប្រជាជនចំនួន ៣៦,៤ភាគរយបាននិយាយថា ពួកគេចង់ធ្វើដំណើរទៅបរទេស ជាមួយនឹងប្រជាជនចំនួន ៤១,២ភាគរយនៃពួកគេចង់ធ្វើដំណើរទៅអឺរ៉ុបដែលជាទិសដៅរបស់ពួកគេ។
ការស្ទង់មតិដែលបានស្ទង់មតិទៅលើមនុស្សពេញវ័យចំនួន ៨៣៨នាក់នៅទូទាំងប្រទេសបានបង្ហាញថា ប្រជាជនចំនួន ៦២ភាគរយនៃប្រជាជនជឿជាក់ថា អត្រាចាក់វ៉ាក់សាំងរបស់ប្រទេសនេះគឺជាគន្លឹះក្នុងការផ្តួចផ្តើមការប្រើប្រាស់លិខិតឆ្លងដែនវ៉ាក់សាំង ខណ:ដែលប្រជាជនចំនួន ១៥,៧ភាគរយបានចង្អុលបង្ហាញអំពីកិច្ចព្រមព្រៀងអន្តរជាតិដែលជាកត្តាសំខាន់។
ប្រសិនបើលិខិតឆ្លងដែននេះត្រូវបានអនុញ្ញាតសម្រាប់ការប្រើប្រាស់ ប្រជាជនចំនួន ៤៣,៥ភាគរយបាននិយាយថា វាគួរតែត្រូវបានផ្តល់ទៅឱ្យអ្នកជំនួញជាមុន បន្ទាប់មកគឺមន្ត្រីសាធារណ:សម្រាប់កិច្ចការអន្តរជាតិជាមួយនឹងចំនួន ២៤,១ភាគរយ និងសិស្សនិស្សិតកូរ៉េខាងត្បូងដែលមាន ១៥,៧ភាគរយ៕
មតិយោបល់