(Reuter) ទីភ្នាក់ងារសារព័ត៌មាន RIA បានដកស្រង់សម្តីប្រធានាធិបតីប្រទេសរុស្សីលោក Vladimir Putin ដែលបាននិយាយកាលពីថ្ងៃសៅរ៍ថា ប្រទេសរុស្ស៊ីកំពុងធ្វើការពង្រឹងមូលដ្ឋានយោធារបស់ខ្លួននៅក្នុងប្រទេសតាហ្ស៊ីគីស្ថានហើយនឹងធ្វើអ្វីៗទាំងអស់ដែលខ្លួនអាចធ្វើបានដើម្បីគាំទ្រដល់អតីតសាធារណរដ្ឋសូវៀតមួយនេះខណៈដែលភាពតានតឹងកើនឡើងនៅក្នុងប្រទេសអាហ្វហ្គានីស្ថាន។
នៅក្នុងកិច្ចប្រជុំជាមួយប្រធានាធិបតីរុស្សីលោក Putin នៅទីក្រុងម៉ូស្គូ ប្រធានាធិបតីតាហ្ស៊ីគីស្ថានលោក Imomali Rakhinemon បាននិយាយថា ស្ថានភាពនៅក្នុងប្រទេសអាហ្វហ្គានីស្ថានដែលជាប្រទេសជិតខាងបានកើនឡើង បន្ទាប់ពីសេចក្តីប្រកាសរបស់សហរដ្ឋអាមេរិកកាលពីខែមុនថា ខ្លួននឹងដកកងទ័ពរបស់ខ្លួនចេញ ដោយប្រធានាធិបតីសហរដ្ឋអាមេរិកលោក Joe Biden សន្យាថានឹងដកកងទ័ពទាំងអស់ចេញត្រឹមថ្ងៃទី ១១ ខែកញ្ញា។
ប្រធានាធិបតីប្រទេសរុស្សីលោក Putinបាននិយាយថា “ខ្ញុំដឹងថាអ្នកមានការព្រួយបារម្ភអំពីស្ថានភាពនេះ វាជាការព្រួយបារម្ភដ៏ត្រឹមត្រូវ។
លោកបានបន្ថែមថា “សម្រាប់យើង យើងកំពុងធ្វើអ្វីគ្រប់យ៉ាងដែលអាចធ្វើបានដើម្បីគាំទ្រដល់លោក” ។
កាលពីដើមខែឧសភា កងកម្លាំងសន្តិសុខអាហ្វហ្គានីស្ថានបានវាយបកទៅលើការវាយលុករបស់ក្រុម បះបោរតាលីបង់ដ៏ធំមួយនៅខេត្ត Helmand ភាគខាងត្បូង នៅពេលដែលពួកសកម្មប្រយុទ្ធបានធ្វើការវាយប្រហារនៅទូទាំងប្រទេស បន្ទាប់ពីសហរដ្ឋអាមេរិកបានខកខានក្នុងការដកទ័តាមកាលបរិច្ឆេទកំណត់ ១ ឧសភា ដែលបានព្រមព្រៀងនៅក្នុងកិច្ចពិភាក្សាជាមួយតាលីបង់កាលពីឆ្នាំមុន។
ក្រៅពីការផ្តល់មូលដ្ឋានយោធាធំបំផុតរបស់រុស្ស៊ីនៅឯក្រៅប្រទេស ប្រទេសតាហ្ស៊ីគីស្ថានមានទំនាក់ទំនងសេដ្ឋកិច្ចយ៉ាងជិតស្និទ្ធជាមួយអតីតមេដឹកនាំសូវៀតរបស់ខ្លួននៅពេលដែលជនជាតិតាហ្ស៊ីគីស្ថាន រាប់រយរាប់ពាន់នាក់ធ្វើការនៅប្រទេសរុស្ស៊ីដើម្បីផ្គត់ផ្គង់គ្រួសារនៅក្នុងប្រទេស ៕
មតិយោបល់