(Reuter) រដ្ឋបាលរបស់លោកប្រធានាធិបតី Joe Biden បានយល់ព្រមលក់អាវុធដែលសរុបជា ទឹក ប្រាក់ចំនួន ៧៣៥ លានដុល្លារដល់ប្រទេសអ៊ីស្រាអែល ហើយប្រភពពីសភាបាននិយាយកាលពីថ្ងៃច័ន្ទថា សមាជិកសភាសហរដ្ឋអាមេរិកត្រូវបានរំពឹងថានឹងមិនជំទាស់នឹងកិច្ចព្រមព្រៀងនោះទេ ទោះបីជាមានអំពើហិង្សារវាងអ៊ីស្រាអែល និងពួកសកម្មប្រយុទ្ធប៉ាឡេស្ទីនក៏ដោយ។ ជំនួយការសភា០៣ រូបបាននិយាយថា សភាទទួលដំណឹងជាផ្លូវការអំពីការលក់អាវុធកាលពីថ្ងៃ ០៥ ខែឧសភាដែលជាផ្នែកមួយនៃដំណើរការពិនិត្យឡើងវិញជាទៀងទាត់មុនពេលកិច្ចព្រមព្រៀងលក់អាវុធទៅឲ្យបរទេសធំៗ អាចដំណើរការទៅមុខបាន។ការលក់នេះត្រូវបានរាយការណ៍ដំបូងដោយកាសែតវ៉ាស៊ីនតោនប៉ុស្តិ៍។
សភាទទួលដំណឹងអំពីការលក់នៅក្នុងខែមេសាដែលជាផ្នែកមួយនៃដំណើរការពិនិត្យក្រៅផ្លូវការធម្មតាមុនពេលការជូនដំណឹងជាផ្លូវការនៅថ្ងៃទី ០៥ ខែឧសភា។ តាមច្បាប់សហរដ្ឋអាមេរិកការជូនដំណឹងជាផ្លូវការមានរយ:ពេល ១៥ ថ្ងៃសម្រាប់សភាជំទាស់នឹងការលក់ ដែលការជំទាស់មិនត្រូវបានរំពឹងទុក បើទោះបីជាមានអំពើហិង្សាកំពុងបន្តក៏ដោយ។
ការលក់គ្រាប់ប្រភេទ Joint Direct Attack Munitions ឬ JDAM ដែលផលិតដោយក្រុមហ៊ុន Boeing Co (BA.N) ត្រូវធ្វើឡើងជាទៀងទាត់មុនពេលចាប់ផ្តើម ការប្រយុទ្ធដ៏ខ្លាំងក្លាកាលពីសប្តាហ៍មុននៅក្នុងតំបន់ក្នុងរយ:ពេលប៉ុន្មានឆ្នាំចុងក្រោយនេះ។
មន្ត្រីជំនួយការបាននិយាយថា ក្នុងកំឡុងពេលនេះមិនមានការជំទាស់ណាមួយនោះទេ ខណ:ដែលមេដឹកនាំបក្សប្រជាធិបតេយ្យ និងសាធារណរដ្ឋនៃគណ:កម្មាធិការកិច្ចការបរទេសរបស់សភាបានពិនិត្យការលក់នេះ។
មតិយោបល់