ម៉ាឡេស៊ី៖ រដ្ឋមន្ត្រីក្រសួងសុខាភិបាល លោក Adham Baba បាននិយាយកាលពីថ្ងៃចន្ទ ទី៣១ ខែឧសភាថា សព្វថ្ងៃទារក និងកុមារសរុបចំនួន ៨២,៣៤១នាក់នៅក្នុងប្រទេសម៉ាឡេស៊ីបានធ្វើតេស្តវិជ្ជមានជំងឺ COVID-19។
លោកវេជ្ជបណ្ឌិត Adham បាននិយាយថា ករណីឆ្លងចំនួន ១៩,៨៥១នាក់ជាកុមារអាយុក្រោម ៤ឆ្នាំ និងករណីឆ្លងចំនួន ៨,២៣៧នាក់ទៀតគឺកុមារមានអាយុចាប់ពី ៥ឆ្នាំទៅ ៦ឆ្នាំ។ ករណីឆ្លងសរុបចំនួន ២៦,៨៥១នាក់ជាកុមារអាយុចន្លោះពី ៧ឆ្នាំដល់ ១២ឆ្នាំ ចំណែកឯករណីឆ្លងចំនួន ២៧,៤០២នាក់ទៀតគឺមនុស្សអាយុ ១៣ឆ្នាំដល់ ១៧ឆ្នាំ។
លោកបានបន្ថែមថា ពុំមានកុមារណាម្នាក់ចូលសម្រាកព្យាបាលក្នុងបន្ទប់សង្គ្រោះបន្ទាន់ទេ។ កាលពីថ្ងៃចន្ទ ប្រទេសម៉ាឡេស៊ីបានរាយការណ៍ករណីឆ្លងថ្មីជំងឺ COVID-19 ចំនួន ៦,៨២៤នាក់ ដែលនាំឲ្យករណីឆ្លងសរុបនៅទូទាំងប្រទេសកើនឡើងដល់ ៥៧២,៣៥៧នាក់ និងស្លាប់ចំនួន ២,៧៩៦នាក់៕
មតិយោបល់